नांदेड : पिस्तुलाचा धाक दाखवून व्यापाऱ्याचे १५ लाख लुटले, पोलीस तपास सुरु

ओम बोरलेपवार आपल्या टू-व्हिलरवरुन बँकेत पैसे भरायला जात होते. दुपारी १२ वाजल्याच्या दरम्यान हिंगोली गेट परिसरात तीन लुटारुंनी ओम बोरलेपवार यांचा रस्ता रोखला. यानंतर आपल्या जवळील पिस्तुलाचा धाक दाखवून चोरट्यांनी बोरलेपवार यांच्याजवळची १५ लाखांची रक्कम पळवून घटनास्थळावरुन पोबारा केला. ही घटना अवघ्या काही मिनीटांत घडल्यामुळे बोरलेपवार फारशी हालचाल करु शकले नाहीत.

दरम्यान, घटनेची माहिती मिळताच पोलिसांनी घटनास्थळी भेट देऊन पाहणी केली. तिन्ही चोरट्यांविरोधात वजीराबाद पोलीस ठाण्यात गुन्हा दाखल करण्यात आला असून आरोपींच्या शोधासाठी पोलिसांनी पथकं पाठवली आहेत.