सचिन वाझेंना ‘या’ गंभीर कलमांखाली अटक, पाहा कोणकोणती आहेत ही कलमं

या प्रकरणात राष्ट्रीय तपास संस्थेने (NIA) काल (शनिवार) सचिन वाझेंना मुंबईतल्या कार्यालयात चौकशीसाठी बोलावलं होतं. यावेळी एनआयएनं तब्बल 13 तास कसून चौकशी केली आणि चौकशीनंतर शनिवारी रात्री 11 वाजून 50 मिनिटांनी त्यांना गंभीर कलमांखाली अटक केलं.

एनआयएनं सचिन वाझेंवर कोणत्या कलमांखाली कारवाई केली?

NIA ने सचिन वाझे यांच्यावर एनआयएनं आयपीसीतल्या वेगवेगळ्या कलमांखाली गुन्ह्यांची नोंद केली आहे. यात आयपीसी कलम 286, 465, 473, 506(2), 120 B आणि स्फोटक पदार्थ कायदा 1908 कलम 4 अ, ब अंतर्गत कारवाई करण्यात आली आहे.

• कलम 286 नुसार, जाणीवपूर्वक किंवा अजाणतेपणाने स्फोटकं बाळगणं, इतरांच्या जीवाला धोका होईल असं वर्तन करणं, असा गुन्हा नोंदवण्यात आला आहे.

सचिन वाझे यांना या रविवारीच एनआयएच्या विशेष न्यायालयात हजर करण्यात येणार आहे. एनआयएकडून त्यांच्या पोलिस कोठडीची मागणी केली जाऊ शकते.

मोठी बातमी: 13 तासाच्या चौकशीनंतर API सचिन वाझे यांना NIA कडून अटक

25 फेब्रुवारी 2021 रोजी मुकेश अंबानी यांच्या अँटेलिया या निवासस्थानाबाहेर स्फोटकांनी भरलेली स्कॉर्पिओ आढळली होती. सुरूवातीला ही कार कुणाची आहे? ही कार कुणी ठेवली? या सगळ्याची उकल झाली नव्हती. अजूनही ही कार नेमकी कुणी ठेवली ते समजू शकलेलं नाही.

वाझेंची अटक आणि POLICE लिहिलेल्या Innova कारचा नेमका संबंध काय?

मात्र, ही स्कॉर्पिओ कार मनसुख हिरेन यांच्या मालकीची होती. मनसुख हिरेन यांचा मृतदेह ५ मार्चला सापडला होता. या प्रकरणात पोलीस अधिकारी सचिन वाझे यांचं नाव समोर आलं होतं. अखेर संपूर्ण प्रकरणी सचिन वाझे हे NIA पुढे जबाब नोंदवण्यासाठी हजर झाले होते.