छत्रपती शिवरायांच्या विधानांवर पडदा टाकण्याचा प्रयत्न? पुरंदरेंच्या ‘शिवसृष्टी’ला भरघोस निधी

मंगळवारी पार पडलेल्या राज्य मंत्रिमंडळाच्या बैठकीत पुण्यात साकारत असलेल्या ‘शिवसृष्टी’ प्रकल्पाला भरघोस निधी मंजूर करण्यात आला आहे. दिवंगत शिवशाहीर बाबासाहेब पुरंदरे यांच्या संकल्पनेतून साकरण्यात येत असलेल्या या ऐतिहासिक प्रकल्पाला शिंदे सरकारने ५० कोटींचा निधी मंजूर केला आहे.

सध्या शिवसृष्टीचे काम युद्धपातळीवर सुरु आहे. यापूर्वी प्रकल्पाच्या पहिल्या टप्प्यातील कामाचं उद्घाटन २० नोव्हेंबरला केंद्रीय गृहमंत्री अमित शाह यांच्या हस्ते पार पडणार होते. मात्र काही कारणास्तव हा कार्यक्रम स्थगित करण्यात आला होता. त्यानंतर हा कार्यक्रम डिसेंबरमध्ये होणार असल्याचं कळविण्यात आलं होतं. मात्र आता याबाबत अद्याप तारीख निश्चित झालेली नाही.

छत्रपती शिवाजी महारांच्या विचारांचा प्रचार सर्वत्र झाला पाहिजे, या उद्देशाने १९९८-९९ साली ‘शिवसृष्टी’ प्रकल्पाला सुरुवात झाली होती. पुण्यातील नऱ्हे आंबेगाव येथे हा प्रकल्प उभारण्यात आला आहे. हा प्रकल्प आशियातील सर्वात भव्य ऐतिहासिक थीम पार्क प्रकल्प म्हणूनही ओळखला जातो. शिवछत्रपती प्रतिष्ठानचे विश्वस्त जगदीश कदम यांच्या दाव्यानुसार छत्रपती शिवाजी महाराजांच्या जीवनाची जाणीव करून देणे हा मुख्य उद्देश आहे.

पहिल्या टप्प्यातील कामात काय काय?

• प्रकल्पाच्या पहिल्या टप्प्यात महत्त्वाचा भाग असलेल्या सरकारवाडाचे काम पूर्ण झाले आहे.