Sushil Kumar: ऑलिम्पिक पदक विजेता ते खुनातील आरोपी; काय आहे नेमकं प्रकरण?

खरं तर हे दोघेही आपली कार सोडून स्कूटीवर कुणाला तरी भेटायला जात असताना त्यांना अटक करण्यात आली होती. गेल्या अनेक दिवसांपासून फरार असलेल्या सुशील कुमारवर 1 लाखांचे तर त्याचा मित्र अजय याच्यावर पन्नास हजार रुपयांचे बक्षीस घोषित करण्यात आले होते. अजय हा सरकारी शाळेत कर्मचारी म्हणून काम करत होता. तो कॉंग्रेसचे नगरसेवक सुरेश बक्करवाला यांचा मुलगा आहे.

सर्वात आधी काल (23 मे) दिवसभरात या संपूर्ण प्रकरणात काय घडलं त्यावर टाकूयात एक नजर:

• 7:15 PM: कुस्तीपटू सुशील कुमार आणि त्याच्या साथीदारांना कोर्टाने 6 दिवसांची पोलीस कोठडी सुनावली आहे. स्पेशल सेलने आरोपींना पीएस मॉडेल टाऊनच्या आयओकडे सोपवले आहे.

Sushil Kumar Arrested : ऑलिम्पिक पदक विजेता ते हत्येचा आरोपी, जाणून घ्या आतापर्यंत काय-काय घडलं?

हत्या प्रकरणातील आरोपी सुशील कुमारला अटक करण्यासाठी पोलिसांनी पंजाबमधील भटिंडा, मोहालीसह अनेक राज्यात छापे मारले होते. दिल्ली पोलिसांनी बर्‍याच ठिकाणी छापा मारले पण सुशील कुमार त्यांना कुठेही सापडला नव्हता. अखेर काल (23 मे) त्याला दिल्लीतून अटक करण्यात आली.

ऑलिम्पिक पदक विजेता हा कुस्तीपटू एखाद्या व्यावसायिक गुन्हेगारासारखा पोलिसांना चकमा देत होता. या दरम्यान सुशील कुमार हा वेगवेगळ्या नंबरवरुन आपल्या जवळच्या लोकांशी संपर्कात होता. दिल्ली पोलिसांची अनेक पथके सुशील कुमारचा शोध घेत होती. अखेर दिल्ली पोलिसांच्या स्पेशल सेलच्या पथकाने त्याला दिल्लीतूनच अटक केली.

मिळालेल्या माहितीनुसार, फरार असताना सुशील कुमार हा हरियाणा आरटीओ नंबरची कार वापरत होता. पण नंतर त्याने ती कार सोडून दिलली आणि एक स्कूटी वापरत होता.

सुशील कुमार याच्यावर 23 वर्षीय कुस्तीपटू सागर राणा याची दिल्लीच्या छत्रसाल स्टेडियममध्ये हत्या केल्याचा आरोप आहे. दिल्ली पोलिसांच्या म्हणण्यानुसार, सुशील कुमार, लॉरेन्स विश्नोई आणि काला जाखेडी यांच्या टोळीतील गुंडांना सोबत घेऊन स्टेडियममध्ये गेला. जिथे सागरसह इतर काही मारहाण करण्यात आली. ज्यामध्ये कुस्तीपटू सागरचा मृत्यू झाला.

Chatrasal Murder Case : खिशातले पैसे संपले, सुशील बाहेर पडला आणि पोलिसांच्या जाळ्यात अडकला

सुशील कुमार अडकलेल्या हत्येचे नेमके काय कारण आहे?

पोलिस सूत्रांकडून मिळालेल्या माहितीनुसार, सुशील कुमारच्या पत्नीच्या नावे एक फ्लॅट आहे. जो काही दिवसांपूर्वी सागरला भाड्यावर देण्यात आला होता. पण दोन महिन्याचं भाडं न देता त्याने तो फ्लॅट तसाच सोडून दिला. त्यावरुनच हा सगळा वाद झाला. पण याबद्दलची आणखी एक माहिती अशी याच फ्लॅटमध्ये दिल्लीतील अनेक गुन्हेगार आश्रय घेत होते. सुशील त्यांना आपल्या फ्लॅटमध्ये राहू देखील देत होता.

दिल्ली पोलिसांकडून संदीप काला नावाचा गुन्हेगारी तिथे काही दिवस वास्तव्यास होता. याच फ्लॅटमध्ये काही दिवसांपूर्वी सागर राहत होता. जो सुशील त्याला खाली करण्यास सांगितला. ज्यावरून बराच वाद झाला. त्यानंतर सुशील कुमारने गुंड कला जाखेडी यांच्या गुंडांसह छत्रसालमध्ये सागरला मारहाण केली आणि सागरचा मृत्यू झाला.

सूत्रांकडून मिळालेल्या माहितीनुसार, या हत्येनंतर गुंड काला जाखेडी याने सुशील कुमारला देखील धमकी दिली आहे. दरम्यान, फरार असताना सुशील कुमारने काला जाखेडी यांच्याशी समेट करण्याचा देखील प्रयत्न केला होता. त्यांच्यात समेट झाला की नाही हे मात्र अद्याप समोर आलेलं नाही.