अमरावती: कोरोनाच्या वाढत्या रुग्णसंख्येमुळे शहरात कडक निर्बंध लागू

दुध व भाजीपाल्याची दुकाने रविवारी सकाळी ६ ते १० या दरम्यान खुली राहतील. तसेच सर्व प्रकारच्या खासगी ट्रॅव्हल्स, बसेस, पालिकेची बससेवा, रिक्षा बंद करण्याचा निर्णय घेण्यात आलाय. आपतकालीन परिस्थितीत रुग्णसेवेसाठी रिक्षा किंवा स्वतःचे वाहन वापरता येणार आहे. यासोबत जिल्हा प्रशासनाने जिमखाने, व्यायामशाळा, तलाव, थेटर, सलून, ग्रंथालय, आठवडी बाजार असे सर्व व्यवहार या कालावधीत बंद राहतील असं जाहीर केलंय.

अवश्य वाचा – राज्याचे आरोग्यमंत्री राजेश टोपे यांना कोरोनाची लागण

शहरात वाढत असलेली रुग्णसंख्या लक्षात घेता नागरिकांनी विनाकारण घराबाहेर पडू नये. अनावश्यक घराबाहेर फिरणाऱ्यांवर दंडात्मक व फौजदारी कारवाई करण्यात येईल असा इशाराही अमरावतीच्या पोलीस आयुक्त डॉ. आरती सिंग यांनी दिला आहे. संचारबंदीच्या काळात लोकांनी एकत्र जमू नये यासाठी पोलीस यंत्रणांनी आवाहन केले आहे.