नागपूर : कारचा टायर फुटून भीषण अपघात, WCL च्या कर्मचाऱ्याचा मृत्यू

शुक्रवारी संध्याकाळी ही घटना घडली असून अशोक राऊत हे वेस्टर्न कोल लिमीटेडच्या उमेरड येथील शाखेत काम करत होते. मिळालेल्या माहितीनुसार अशोक राऊत संध्याकाळी उमेरडवरुन नागपूरला जात असताना कारचा टायर फुटल्यामुळे त्यांचा तोल गेला आणि गाडीने जोरदार पलट्या मारल्या.

यानंतर राऊत यांची गाडी रस्त्यावरील दुभाजकाला जाऊन आदळली आणि बाजूला असलेल्या नाल्यात कोसळली. या अपघातानंतर कारने पेट घेतला ज्यात अशोक राऊत यांचा जागेवरच मृत्यू झाला. कालांतराने पोलीस आणि अग्नीशमन दलाने ही आग नियंत्रणात आणली आहे. या अपघातामुळे अशोक राऊत यांच्या घरावर दुःखाचा डोंगर कोसळला आहे.