मंगळवारीच शरद पवारांवर का करण्यात आली शस्त्रक्रिया? डॉक्टरांनी सांगितलं कारण

ADVERTISEMENT

Mumbaitak
social share
google news

राष्ट्रवादी काँग्रेसचे अध्यक्ष शरद पवार यांच्यावर बुधवारी शस्त्रक्रिया करण्यात येणार असं ठरलं होतं. मात्र ती शस्त्रक्रिया मंगळवारी रात्रीच करण्यत आली. शरद पवार यांची प्रकृती आता चांगली आहे. पाच ते सहा दिवस आराम केल्यानंतर ते पुन्हा त्यांची कामं करू शकतील असंही त्यांच्यावर उपचार करणाऱ्या डॉक्टर अमित मायदेव यांनी याबाबत माहिती दिली आहे.अमित मायदेव हे कन्सल्टंट ग्रॅस्टोनोलॉजी म्हणून ग्लोबल रूग्णालयात काम करतात. ब्रीचकँडी रूग्णालयात शरद पवार यांना दाखल करण्यात आल्यानंतर अमित मायदेव यांनीच त्यांच्यावर शस्त्रक्रिया केली. ही शस्त्रक्रिया बुधवारी होणार होती. मात्र ती मंगळवारी रात्रीच करण्यात आली त्याचं कारण डॉक्टर मायदेव यांनी स्पष्ट केलं आहे.

शरद पवार ते मुख्यमंत्री ठाकरे… ममतादीदींनी देशातील बड्या नेत्यांना लिहलं पत्र!

नेमकं काय म्हणाले डॉक्टर?

हे वाचलं का?

ADVERTISEMENT

शरद पवार यांच्या पिताशयाच्या पिशवीत आणि नलिकेत दोन्हीकडे स्टोन होते. पित्ताशयाच्या पिशवीत स्टोनचं प्रमाण जास्त होतं, तसंच पित्ताशयाच्या नलिकेत एक स्टोन होता. मंगळवारी त्यांना होणाऱ्या वेदना वाढल्या.. शरद पवार यांना पोटदुखी आणि पाठदुखी असे दोन्ही त्रास जाणवू लागले. त्यामुळे आम्ही आणखी काही चाचण्या केल्या. त्या चाचण्यांना MRCP टेस्ट असं म्हणतात. या टेस्टमुळे पित्ताशय, जठर यांचं कार्य.. त्यांच्या नलिकांचं कार्य हे व्यवस्थित सुरू आहे की नाही याची स्पष्ट कल्पना येते. ही चाचणी केल्यानंतर आम्हाला असं लक्षात आलं की पित्ताशयाच्या नलिकेत असलेला स्टोन हा त्या नलिकेच्या तोंडाशी आला आहे. त्यामुळे आम्हाला शरद पवारांवर मंगळवारी रात्रीच शस्त्रक्रिया करण्याचा निर्णय घ्यावा लागला.

शरद पवार यांच्यावर यशस्वी शस्त्रक्रिया, सुप्रिया सुळेंसह अजितदादा आणि रोहित पवारही होते हजर

ADVERTISEMENT

आणखी काय म्हणाले डॉक्टर?

ADVERTISEMENT

आता शरद पवार यांची प्रकृती आधीपेक्षा चांगली आहे. त्यांच्या पोटात आणि पाठीत ज्या वेदना होत होत्या त्याही बऱ्याच प्रमाणत कमी झाल्या आहेत. ते आज चांगल्या मूडमध्येही आहेत. त्यांना पूर्ण बेड रेस्ट घेण्याची गरज नाही. ते हिंडू-फिरू शकतात. मात्र त्यांनी खूप धावपळ करू नये विश्रांती पूर्णपणे घ्यावी असाही सल्ला मी त्यांना दिला आहे असंही डॉ. मायदेव यांनी म्हटलं आहे.

शरद पवारांवर जे उपचार करण्यात आले ते दुर्बिणीद्वारे करण्यात आले. त्यांच्या पित्ताशयाच्या पिशवीतून एक स्टोन त्यांच्या पित्ताशयाच्या नलिकेत आला होता. त्यामुळे आम्ही एंडोस्कॉपी केली आणि पित्ताशयाच्या पिशवीत असलेले स्टोन्स आणि नलिकेत असलेला एक स्टोन बाहेर काढले. त्यांना या स्टोनमुळेच पोटात असह्य वेदना झाल्या. मात्र त्यांच्यावर शस्त्रक्रिया झाल्यानंतर त्यांची प्रकृती सुधारली आहे. त्यांच्या स्वादुपिंडाला आलेली सूजही कमी झाली आहे आणि त्यांना होणाऱ्या वेदनाही कमी झाल्या आहेत. पोटाच्या आतून जी सूज आली होती ती कमी होण्यासाठी पाच ते सहा दिवस लागतील त्यानंतर त्यांना डिस्चार्ज देण्यात येईल. शरद पवार यांना पूर्ण बरं वाटायला आणि डिस्चार्ज मिळायला किमान चार ते पाच दिवस तरी लागतील असंही डॉ. अमित मायदेव यांनी सांगितलं आहे.

अमित शाह आणि शरद पवार यांची कथित भेट आणि काही अनुत्तरीत प्रश्न

डॉक्टरांनी सांगितलेली MRCP टेस्ट काय असते त्यामुळे काय समजतं?

MRCP टेस्ट ही अशी चाचणी आहे ज्यामुळे पोटातील स्वादुपिंड, जठर, पित्ताशय यांचं कार्य योग्य पद्धतीने सुरू आहे ना? याचा अत्यंत स्पष्ट अंदाज येतो. पित्ताशयाला सूज आली असेल किंवा त्यामध्ये स्टोन असतील तर त्याची माहिती या टेस्टद्वारे मिळते. पोटामध्ये ट्युमर असेल तर त्याचा आकार किती, त्याची जागा कुठे आहे? हेदेखील या टेस्टमुळे समजतं. स्वादुपिंड, जठर, पित्ताशय या भागांना जर कोणत्या विषाणूंचा प्रादुर्भाव झाला असेल तर तेही या टेस्टमुळे लक्षात येतं.

शरद पवार यांची प्रकृती रविवारी संध्याकाळी बिघडली होती. त्यांना पोटदुखीचा असह्य त्रास होऊ लागला होता त्यामुळे त्यांना रविवारी संध्याकाळीच ब्रीचकँडी रूग्णालयात तपासणीसाठी नेण्यात आलं. त्यानंतर त्यांना पित्ताशयात स्टोन झाल्याचं समजलं. त्यामुळे त्यांच्यावर बुधवारी म्हणजेच ३१ मार्चला शस्त्रक्रिया करण्यात येईल असा निर्णय डॉक्टरांनी घेतला. मंगळवारी त्यांना पुन्हा त्रास होऊ लागला. पोटातील वेदनाही वाढल्या आणि पाठदुखीचाही त्रास सुरू झाला. त्यामुळे त्यांना मंगळवारीच रूग्णालयात दाखल करण्यात आलं आणि मंगळवारी रात्रीच शरद पवारांवर शस्त्रक्रिया करण्यात आली.

    follow whatsapp

    ADVERTISEMENT