अंधेरी पोटनिवडणूक : ऋतुजा लटकेंच्या पराभवासाठी भाजपची 'दस का दम' रणनीती! 'त्या' बैठकीत काय ठरलं?

अंधेरी पूर्व विधानसभा निवडणुकीत 'शिवसेना उद्धव बाळासाहेब ठाकरे' गटाने ऋतुजा लटकेंना उमेदवारी दिलीये, तर भाजपनं मुरजी पटेल यांना. त्यामुळे दोन्ही बाजूंनी निवडणूक जिंकण्यासाठी डावपेच सुरू झालेत...
Andheri (East) bypoll : Rutuja Latke Vs Murji Patel
Andheri (East) bypoll : Rutuja Latke Vs Murji Patel

शिवसेनेतल्या बंडानंतर उद्धव ठाकरे-एकनाथ शिंदे यांच्यात अस्तित्वाचा संघर्ष सुरू झालाय. पण बंडानंतर जी पहिली लढाई होतेय, त्यात ठाकरेंचा सामना आहे, तो भाजपशी. सत्तांतराची लढाई जिंकलेल्या भाजपनं आता निवडणुकीच्या रणांगणात ठाकरेंची पाठ लावण्याची जय्यत तयारी केलीये. त्यासाठी भाजपची स्ट्रॅटेजीही फायनल झालीये, असंही आता सांगितलं जात आहे. अंधेरी पोटनिवडणुकीसाठी भाजपची दस का दम स्ट्रॅटेजी नेमकी काय आहे... ते समजून घ्या.

शिवसेनेतल्या बंडानंतर ठाकरेंची पहिली लढाई भाजपशी आहे. अंधेरी पूर्व पोटनिवडणुकीसाठी ठाकरे आणि भाजप उमेदवार आमनेसामने आलेत. शिवसेना आमदार रमेश लटकेंच्या अकाली निधनानं ही पोटनिवडणूक होतेय. उद्धव ठाकरेंनी लटकेंच्या पत्नी ऋतुजा लटकेंना, तर भाजपने गेल्यावेळी अपक्ष लढलेल्या मुरजी पटेलांना रिंगणात उतरवलंय.

गेल्यावेळी मुरजी पटेलांनी रमेश लटकेंना तगडी फाईट दिली होती. अपक्ष असतानाही तब्बल ४५ हजार मतं घेतली होती. मुरजी पटेलांचं स्वतःचं संघटन आहे. दुसरीकडे ऋतुजा लटकेंच्या बाजूने सहानुभुती आहे. तसंच शिंदेंच्या बंडामुळे ठाकरेंसाठीही सहानुभुतीचा फॅक्टर काम करतोय, अशा चर्चा आहेत. याच सहानुभुतीला मात देण्यासाठी भाजपनं तगडी स्ट्रॅटेजी आखलीये.

Andheri (East) bypoll : Rutuja Latke Vs Murji Patel
राज ठाकरेंना भाजपनं पत्र लिहायला सांगितलं?; अरविंद सावंतांचं मनसे अध्यक्षांच्या मौनावर बोट

पंढरपूरच्या पोटनिवडणुकीत अशाच सहानुभुतीच्या लाटेला मात देण्याचा अनुभव भाजपच्या गाठीशी आहे. अंधेरी पूर्वची जागा मुंबई भाजप अध्यक्ष आशिष शेलारांनी प्रतिष्ठेची केलीय. अंधेरीमधूनच शेलारांचे सासरे सीताराम दळवी शिवसेनेच्या तिकीटावर आमदार राहिलेत. तसंच त्यांचे मेहुणे संदीप दळवी हे मनसेच्या तिकीटावर निवडणूक लढलेत. त्यामुळे शेलारांनी अंधेरी शिवसेनेकडून हिसकावून घेण्यासाठी सगळी ताकद पणाला लावलीये.

भाजपने अंधेरी पोटनिवडणुकीची रणनीती ठरवण्यासाठी शनिवारी १५ ऑक्टोबरला मुंबईत एक महत्त्वाची बैठक घेतली. या बैठकीला मुंबईतले प्रमुख पदाधिकारी उपस्थित होते. यावेळी ठाकरेंना मात देण्यासाठी दस का दम स्ट्रॅटेजी ठरवण्यात आलीये. या स्ट्रॅटेजीनुसार, अंधेरी पूर्व विधानसभा मतदारसंघातील प्रत्येक वॉर्डाची जबाबदारी आमदाराला देण्यात आलीय.

Andheri (East) bypoll : Rutuja Latke Vs Murji Patel
अंधेरी पोटनिवडणूक : भाजप उमेदवार मागे घेणार? ठाकरेंच्या पत्रावर फडणवीसांनी मांडली भूमिका

मतदारसंघातील दहा वॉर्डांमध्ये आता दहा आमदार मुरजी पटेलांसाठी काम करणार आहेत. तसंच प्रत्येक पोलिंग बूथची जबाबदारी माजी नगरसेवकांना देण्यात आली. या जोडीला शिंदे गटाचे आमदारही मदतीला असणार आहेत.

याउलट ठाकरेंकडे मुंबईत सध्याच्या घडीला दहा आमदारही शिल्लक नाहीत. म्हणूनच ठाकरेंकडून वेगळ्या पद्धतीनं रणनिती आखली जातेय. अंधेरीचे विभाग प्रमुख आणि माजी मंत्री अनिल परब यांनी मविआच्या कार्यकर्त्यांची बैठक घेतली. तसंच उद्धव ठाकरे, आदित्य ठाकरे, सुषमा अंधारे यांच्या प्रचार सभांचंही आयोजन करण्याची तयारी सुरू आहे. आता कोणाची स्ट्रॅटेजी यशस्वी ठरते, कोण जिंकतं, हे 7 नोव्हेंबरला निकालानंतरच कळेल.

Related Stories

No stories found.
Mumbai Tak
www.mumbaitak.in