Kasba Peth By Poll :
पुणे : कुठल्याही निवडणुकीसाठी उमेदवारी अर्ज दाखल झाल्यावर आपल्या उमेदवारांची संपत्ती नेमकी किती यावर सगळ्यांचं लक्ष असतं. निवडणूक आयोगाला सादर केलेल्या प्रतिज्ञापत्रांत उमेदवारांच्या संपूर्ण संपत्तीचा उलगडा होतोच. कसबा निवडणुकीसाठी काँग्रेसचे रवींद्र धंगेकर आणि भाजपच्या हेमंत रासने यांनी अर्ज दाखल केला आहे. या दोघांचीही संपत्ती पाहून सगळ्यांच्याच भुवया उंचावल्या आहेत. (Congress’ Ravindra Dhangekar and BJP’s Hemant Rasane have filed applications for Kasba elections.)
रवींद्र धंगेकर यांची संपत्ती किती?
रवींद्र धंगेकरांची एकूण संपत्ती 8 कोटी 36 लाख 10 हजार 456 रुपये आहे. धंगेकरांकडे रोख रक्कम आणि बँकेतील ठेवी मिळून 47 लाख 6 हजार 128 एवढी रक्कम आहे. तर त्यांच्या पत्नी प्रतिभा यांच्या नावे 68 लाख 67हजार 376 एवढी रक्कम आहे. धंगेकरांकडे 10 तोळे तर त्यांच्या पत्नीकडे तब्बल 15 तोळे सोनं आहे.
धंगेकरांच्या स्थावर संपत्तीचा विचार केला तर शेतजमीन, फ्लॅट आणि वारसाहक्कानं आलेली जमीन मिळून त्यांच्या नावे एकूण 4 कोटी 59 लाख 63 हजारांची संपत्ती आहे. तर त्यांच्या पत्नीच्या नावे 2 कोटी 60 लाख 72 हजारांची स्थावर संपत्ती आहे. रवींद्र धंगेकरांच्या नावावर 35 लाख 73 हजार तर पत्नीच्या नावे 32 लाख 8 हजार रुपयांचं कर्ज आहे.
रवींद्र धंगेकरांचं फक्त आठवीपर्यंतचं शिक्षण झालं आहे. त्यामुळे, जर धंगेकरांच्या गळ्यात आमदारकीची माळ पडली तर आठवी पास आमदार असा शिक्का त्यांच्या नावावर बसेल.
हेमंत रासनेंची किती आहे संपत्ती?
शपथपत्रात दिलेल्या महितीनुसार हेमंत रासनेंची एकूण संपत्ती ही 17 कोटी रुपये एवढी आहे. रासनेंचं 2022-23 या वर्षाचं उत्पन्न हे पाच लाख 75 हजार चारशे दहा रुपये आहे. तर त्यांच्या पत्नी मृणाली रासनेंचं वार्षिक उत्पन्न चार लाख 30 हजार 830 रुपये असुन त्यांचा मुलगा निधेय रासनेचं वार्षिक उत्पन्न 3 लाख 17 हजार 430 रुपये आहे.
हेमंत रासनेंची जंगम मालमत्ता :
रासनेंकडे असणारी जंगम मालमत्ता एक कोटी 82 लाख 81 हजार 362 तर त्यांच्या पत्नींच्या नावावर 27 लाख 59 हजार 357 रुपयांची जंगम मालमत्ता आहे. रासनेंच्या मुलीच्या नावावर 8 हजार 423 तर मुलाच्या नावे 2 लाख 77 हजार 578 रुपयांची जंगम मालमत्ता.
हेमंत रासनेंची स्थावर मालमत्ता :
हेमंत रासनेंच्या नावावर 2 कोटी 67 लाख 59 हजार 92 रुपयांची स्थावर मालमत्ता असून त्या पत्नीच्या नावावर 1 कोटी 81 लाख 14 हजार 495 रुपयांची आहे. मुलीच्या नावे 43 लाख 25 हजार तर मुलाच्या नावे 1 कोटी 33 लाख 59 हजार 533 रुपयांची स्थावर मालमत्ता आहे.
यासोबतच हेमंत रासनेंच्या नावे 3 कोटी 55 लाख 63 हजार 414 रुपयांचं कर्ज तर त्यांच्या पत्नींच्या नावे 24 लाख 93 हजार 263 रुपयांची स्थावर मालमत्ता आहे. तर तुम्हाला का वाटतं एवढी मालमत्ता असणारे हेमंत रासने रवींद्र धंगेकरचा पराभव करतात की धंगेकर रासनेंचा पराभव करतात हे आम्हाला कंमेट करुन नक्की कळवा त्यासोबतच
