Shiv Sena vs NCP: सुनील तटकरेंचं मोठं विधान, गोगावलेंसाठी ‘गुड न्यूज’; पण..
रायगड जिल्ह्याच्या पालकमंत्री पदासाठी राष्ट्रवादी काँग्रेस आग्रही नाही असं मोठं विधान सुनील तटकरे यांनी केलं आहे. त्यामुळे शिवसेनेच्या भरत गोगावले यांच्या अपेक्षा वाढल्या आहेत.
ADVERTISEMENT
मुंबई: शिंदे-फडणवीस सरकारमध्ये (Shinde-Fadnavis Government) अचानक अजित पवारांची (Ajit Pawar) एंट्री झाल्याने शिवसेनेतील (Shiv Sena) अनेक आमदारांच्या इच्छा-आकांक्षेवर पाणी फिरलं आहे. त्यातही शिवसेनेचे रायगड जिल्ह्यातील पोलादपूर मतदारसंघाचे आमदार भरत गोगावले (Bharat Gogawale) हे मंत्रिपद आणि रायगडच्या पालकमंत्री पदासाठी (Raigad guardian minister) अत्यंत उत्सुक असल्याचं पाहायला मिळत आहे. मात्र, राष्ट्रवादीच्या आमदार आणि नुकत्याच कॅबिनेट मंत्रिपदाची शपथ घेतलेल्या आदिती तटकरे (Aaditi Tatkare) यांच्या सरकारमधील एंट्रीने गोगावलेंची मात्र चिंता वाढवली आहे. पण या सगळ्यातच आता राष्ट्रवादी काँग्रेस (अजित पवार गट) चे प्रदेशाध्यक्ष सुनील तटकरे (Sunil Tatkare) यांनी एक मोठं विधान केलं आहे. जे भरत गोगावलेंसाठी मात्र गुड न्यूज ठरणार आहे. (ncp ajit pawar group leader sunil tatkare made big statement ncp not insisting for post of guardian minister of raigad district expectations shiv sena mla bharat gogawle increased)
2022 साली शिवसेनेने भाजपसोबत सत्ता स्थापन केल्यापासून भरत गोगावले हे रायगडच्या पालकमंत्री पदासाठी आग्रही आहेत. मात्र, असं असलं तरीही पहिल्या मंत्रिमंडळात त्यांना काही स्थान मिळालं नाही. त्यामुळे पालकमंत्री पदाची त्यांची इच्छाही अपूर्णच राहिली. लवकरच मंत्रिमंडळ विस्तार होईल या आशेवर असलेले गोगावले हे वर्षभर मंत्रिपदाची वाट पाहत होते. पण असं असताना अचानक राष्ट्रवादीची सरकारमध्ये एंट्री झाली. त्यातही रायगड जिल्ह्याच्याच आदित तटकरेंची थेट कॅबिनेटमध्ये वर्णी लागली. त्यामुळे शिवसेनेच्या गोगावलेंना हवं असलेलं पालकमंत्री पद नेमकं मिळणार तरी कसं? असा सवाल गेल्या काही दिवसांपासून सातत्याने विचारला जात आहे. अशातच आता सुनील तटकरेंनी माध्यमांशी बोलताना स्पष्ट केलं की, ‘रायगडच्या पालकमंत्री पदाबाबत आम्ही कधीही आग्रही नव्हतो. ना काल ना.. आज.’ ज्यामुळे गोगावलेंच्या आशा पुन्हा पल्लवित झाल्या आहेत.
‘रायगडच्या पालकमंत्री पदाबाबत आम्ही आग्रही नाही’
सुनील तटकरे म्हणाले की, ‘एकसंघपणाने काम करण्याचा निर्णय आम्ही सर्वांनी सामूदायिक तत्वावर घेतला आहे. काही वेळेला निर्णय घेण्यांमध्ये काहीसा उशीर होऊ शकतो. परंतु कोणत्याही प्रकारचा समज, गैरसमज मनात न राहता.. स्पष्टपणाची भूमिका घेऊन एका ताकदीने पुढे जाण्याचं ठरवलं आहे. त्यामुळे मंत्रिमंडळाचा विस्तार, पालकमंत्री या संदर्भातील निर्णय उद्या संध्याकाळपर्यंत झालेला आपल्याला पाहायला मिळेल.’
हे ही वाचा>> खोदायला गेला अन् शेतकरी कोट्यधीश झाला, शेतात काय सापडलं?
‘राज्याच्या मंत्रिमंडळाचा विस्तार झाल्यापासून अजितदादा हे दिल्लीला गेलेले नाहीत. तसेच खातेवाटप हा काही तिढा नाही. हा प्रश्न या स्तरावरच सोडवला जाणार आहे. रायगडच्या पालकमंत्री पदाबाबत आम्ही कधीही आग्रही नव्हतो. ना काल ना.. आज शेवटी ज्यावेळेला जेव्हा एकत्रितपणे काम करण्याचं ठरलेलं असतं. त्या वेळेला त्या संदर्भातील जाणीव मनात ठेवून काम करणं अत्यंत आवश्यक असतं. मला असं वाटतं की, या संदर्भातील योग्य तो निर्णय मुख्यमंत्री त्यांच्या स्तरावर घेतील.’ असं म्हणत तटकरेंनी सरकारमध्ये काहीही विसंवाद नाही असं म्हटलं आहे.
हे वाचलं का?
