‘मिंधे’ मुख्यमंत्री, डुप्लिकेट ‘सेना’; दसरा मेळाव्या आधीच शिवसेनेनं एकनाथ शिंदेंवर डागले बाण

मुंबई तक

ADVERTISEMENT

Mumbaitak
social share
google news

शिवसेनेविरोधातल्या बंडखोरीनंतर सामनाच्या अग्रलेखातून सातत्यानं ४० बंडखोर आमदारांसह एकनाथ शिंदे आणि देवेंद्र फडणवीस यांच्यावर निशाणा साधला जात असल्याचं दिसतंय. शिवाजी पार्कवर दसरा मेळावा घेण्यावरून शिंदे गटाने उद्धव ठाकरेंची कोंडी करण्याचा प्रयत्न केला, पण न्यायालयात ठाकरेंनी लढाई जिंकली. त्यानंतर एकनाथ शिंदेंना मिंधे मुख्यमंत्री म्हणत शिवसेनेनं टीकेचा बाण डागलाय.

शिवसेनेचा दसरा मेळावा शिवाजी पार्क होणार आहे. मुंबई उच्च न्यायालयाने मुंबई महापालिकेवर ताशेरे ओढत निर्णय दिला. मुंबई उच्च न्यायालयाच्या निर्णयानंतर उद्धव ठाकरे आणि शिवसेनेला चांगलंच बळ आलं आणि न्यायालयाच्या निकालानंतर शिवसेनेनं सामना अग्रलेखातून थेट शिंदेंवर हल्ला चढवला.

फडणवीसांचं नाव घेत भाजपला खडेबोल

“चार दिवसांपूर्वीच (उप) मुख्यमंत्री फडणवीस म्हणाले होते, ‘मला संपविण्याचे खूप प्रयत्न शत्रूंनी केले, पण मी संपलो नाही.’ राजकारणात कुणी संपत नसतो. शिवसेनेचंही तसंच आहे. गेल्या 56 वर्षांत शिवसेनेला संपविण्यासाठी काय कमी प्रयत्न झाले? पण शिवसेना प्रत्येक वेळी नव्या जोमानं आणि तेजानं उसळून वर गेली. त्यामुळे गेल्या दोन-चार महिन्यांत फडणवीस व त्यांच्या पक्षाने शिवसेना संपविण्याचे जे प्रयत्न सुरू केले, 40 बेइमान लोकांच्या मदतीने जे कारस्थान रचले गेले, त्यामुळे शिवसेना संपेल या भ्रमात त्यांनी राहू नये”, असे खडेबोल शिवसेनेनं देवेंद्र फडणवीसांचं नाव घेत भाजपला सुनावले आहेत.

हे वाचलं का?

ADVERTISEMENT

‘…अन् तुम्हाला आरक्षणाची खाज सुटली’; मराठा आरक्षण आंदोलकांबद्दल बोलताना तानाजी सावंतांचा तोल सुटला

कमळाबाई म्हणत पुन्हा भाजपला डिवचलं

अग्रलेखात म्हटलंय की, “दसरा मेळावा शिवतीर्थावर घेण्याची परंपरा शिवसेनेचीच आहे. फडणवीसांचे ‘मिंधे’ गोधड्या भिजवत होते तेव्हापासून शिवसेनाप्रमुख शिवतीर्थावरून विचारांचं सोनं विजयादशमीस उधळत आले आणि त्याच दिशेनं महाराष्ट्र व देश पुढे गेला. त्या बाळासाहेबांनाच आव्हान देण्याइतपत बेइमानांची मजल गेली ती फक्त कमळाबाईच्या नादी लागल्यानं”, असं म्हणत शिंदे गटाला लक्ष्य करण्यात आलंय.

ADVERTISEMENT

शिंदे गटाचे आमदार संतोष बांगर यांच्या गाडीवर हल्ला, ’50 खोके एकदम ओके’च्या घोषणा

ADVERTISEMENT

“एकनाथ शिंदे मिंधे मुख्यमंत्री, डुप्लिकेट सेना चावताहेत”

गटप्रमुखांच्या सभेत उद्धव ठाकरेंनी शिंदे गटाचा उल्लेख मिंधे असा केला होता. मात्र, आता थेट एकनाथ शिंदेंनाच चिमटा काढलाय. “महाराष्ट्राच्या मुख्यमंत्र्यांचा एक ‘डुप्लिकेट’ पुण्यात आढळला. त्या डुप्लिकेटबरोबर काही हवशा-नवशा-गवशांनी सेल्फी काढल्या म्हणून त्या डुप्लिकेटवर गुन्हा दाखल करून पोलिसांनी त्यास दम भरला. ते ‘मिंधे’ असले तरी मुख्यमंत्री आहेत. मुख्यमंत्र्यांचा अपमान करू नका. आता हाच न्याय ‘मिंधे’ गटाच्या डुप्लिकेट सेनेस लागायला नको काय? स्वतःचा डुप्लिकेट चालत नाही, पण जे स्वतःच डुप्लिकेट ‘सेना’ चालवीत आहेत. त्यांना शिवतीर्थावर दसरा मेळावा घेण्याची खाज सुटली”, असं म्हणत शिवसेनेनं शिंदे गटावर दसऱ्या आधीच हल्ला चढवलाय.

    follow whatsapp

    ADVERTISEMENT