विधान परिषद निवडणूक : पंकजा मुंडेंनीच मला तिकीट द्यायला सांगितलं असेल -उमा खापरे

Vidhan Parishad Election 2022 : पंकजा मुंडे, चित्रा वाघ यांना बाजूला ठेवत, भाजपने उमा खापरे यांना उमेदवारी दिल्याने अनेकांच्या भुवया उंचावल्या...
विधान परिषद निवडणूक : पंकजा मुंडेंनीच मला तिकीट द्यायला सांगितलं असेल -उमा खापरे

भाजपने पाच उमेदवारांची यादी जाहीर केली. यात एक नाव आहे उमा खापरे यांचं. भाजप महिला मोर्चाच्या प्रदेशाध्यक्षा असलेल्या उमा खापरेंना अचानक संधी मिळाल्याने अनेकांच्या भुवया उंचावल्या गेल्या. कारण पंकजा मुंडे, चित्रा वाघ या महिला नेत्यांना बाजूला ठेवत भाजपने खापरे यांना उमेदवारी दिलीये. उमेदवारी जाहीर झाल्यानंतर उमा खापरेंनी 'मुंबई तक'ला मुलाखत दिली.

प्रश्न - भाजपकडून मिळलेली उमेदवारी अपेक्षित होती की, अनपेक्षित?

उमा खापरे - माझ्यासाठी अनपेक्षित होतं. मला काहीही कल्पना नव्हती. मी कुठे उमेदवारी मागायलाही गेले नव्हते. मला सकाळी नाव चर्चेत असल्याचा फोन आला आणि त्यानंतर ८ वाजता प्रदेशाध्यक्ष चंद्रकांत पाटील यांनी फोन करून माझं अभिनंदन केलं. माझ्यासाठी हा धक्काच होता. मी भाजपची कार्यकर्ता आहे. १९९७ पासून काम करतेय. महिला मोर्चाची अध्यक्षा म्हणून मी कामात गुंतवून घेतलंय. त्यामुळे हे माझ्यासाठी आश्चर्याचा धक्काच आहे. हे फक्त भाजपमध्येच होऊ शकतं, हे पु्न्हा सिद्ध झालं.

विधान परिषद निवडणूक : पंकजा मुंडेंनीच मला तिकीट द्यायला सांगितलं असेल -उमा खापरे
Vidhan Parishad Election: दिग्गजांचा पत्ता कट, कोण आहेत उमा खापरे आणि श्रीकांत भारतीय?

प्रश्न - तुम्ही राजकीय पक्षाच्या नेत्या आहात. विधान परिषदेबद्दल चर्चा सुरू आहे. पंकजा मुंडेंच नाव चर्चेत होतं. आता पंकजा मुंडेंना डावलून तुम्हाला तिकीट दिल्याचं बोललं जातंय, तुम्हाला हे खरं वाटतंय का?

उमा खापरे - मला एक वाटतं की, पंकजा मुंडेंना डावलून मला तिकीट दिलंय हे मी मानत नाही. पंकजा मुंडे या आमच्या नेत्या आहेत. गोपीनाथ मुंडे यांच्या नेतृत्वाखाली काम करणारी मी एक छोटी कार्यकर्ती आहे. मला असं वाटतं की, पंकजा मुंडे यांनी सांगितलं असेल की, एका कार्यकर्तीला मिळतंय, तर निश्चित तिला द्या, असं त्या म्हणाल्या असतील असं मला वाटतं.

प्रश्न - तुम्हाला गोपीनाथ मुंडे समर्थन म्हणून ओळखलं जातं. तुम्हीही मान्य केलंय की, पंकजा मुंडे तुमच्या नेत्या आहात. इतकी सगळी चर्चा होतेय, तर तुम्ही विधान परिषदेत जाण्याबद्दल किती उत्सुक आहात?

उमा खापरे - याबद्दल मी मला अजिबात अतिउत्साही नाहीये. पक्षाने मला अर्ज भरायला सांगितलंय, मी अर्ज भरणार आहे. जो निर्णय पक्षाचा असतो, तो मानणारी मी एक कार्यकर्ती आहे.

विधान परिषद निवडणूक : पंकजा मुंडेंनीच मला तिकीट द्यायला सांगितलं असेल -उमा खापरे
पंकजां मुंडेंना पुन्हा डच्चू! भाजपकडून दरेकर, लाड यांच्यासह पाच जणांना उमेदवारी

प्रश्न - तुम्ही इतक्या वर्षांपासून राजकारणात आहात. विधान परिषदेसाठी किती लॉबिंग होतं, हे तुम्हाला माहितीये.

उमा खापरे - मी पुन्हा एकदा सांगते की, मला कल्पना नव्हती की, मला पक्ष अर्ज भरायला सांगेल. मी आजही जमिनीवर आहे. माझी कागदपत्रेही तयार नव्हती. पक्षाने मला अर्ज भरायला सांगितलं आहे. पुढे काय होईल, काय होणार नाही हे पक्ष बघेल. ज्यावेळी पक्षामध्ये कुणाचं काहीच नव्हतं. शहरात जेव्हा पक्षाचे सात नगरसेवक होते. त्यात मी एक होते. १९९७ पासून मी संघटनेचं काम करतेय. संघटनेमध्ये काम करणं हेच मला माहितीये. त्यामुळे पक्ष जो निर्णय घेईल, त्या बाजूनं मी आहे.

प्रश्न - विधान परिषदेवर जाण्याची तुमची मनिषा होती का? कारण निवडणूक लागल्यापासून तुम्ही आक्रमक झाल्याचं बघायला मिळालं. दिपाली सय्यद यांच्याबद्दल तुम्ही पत्रकार परिषदा घेतल्या. महिला आयोगाला पत्र लिहिलं. राज्यपालांची भेट घेतली. हे सगळं यासाठी सुरू होतं का?

उमा खापरे - मी बिलकुल नाही. विधान परिषदेसाठी माझी धडपड नव्हती. देशाच्या पंतप्रधानांविषयी जर कुणी असा उल्लेख केला. अपशब्द काढला, तर त्यासाठी मी बाहेर पडणारच. यापूर्वीसुद्धा ज्या काही घटना घडल्या, त्यावेळी मी बाहेर पडलेय. मी महाराष्ट्रातील कानाकोपरा संघटनेच्या कामासाठी फिरलेय. विधान परिषद येतेय म्हणून मला तिकीट पाहिजे असा विचार मी केला नाही. तसं असतं तर मी लॉबिंग केलं असतं. मी लॉबिंग करू शकत नाही, असं नाहीये. पण मी तेही केलेलं नाही. पक्षाने समोर येऊन मला उमेदवारी दिलीये.

विधान परिषद निवडणूक : पंकजा मुंडेंनीच मला तिकीट द्यायला सांगितलं असेल -उमा खापरे
महाराष्ट्रापासून ते हरयाणापर्यंत आमदारांची 'लपवाछपवी'!, 4 राज्यात का चुकलंय राज्यसभेचं गणित?

प्रश्न - तुमच्या उमेदवारीचं श्रेय तुम्ही कुणाला देता, कुणामुळे तुम्हाला ही उमेदवारी मिळालीये?

उमा खापरे - माझ्या उमेदवारीचं श्रेय हे पक्षाला देतेय. संघटनेला देतेय. चंद्रकांत पाटील, देवेंद्र फडणवीस, आमच्या नेत्या पंकजा मुंडे या सगळ्यांना मी हे श्रेय देते. त्यांच्या माध्यमातून उमेदवारी मिळालीये. मी संघटनेचं काम करत असताना माझ्या सोबतच्या महिला भगिनींनाही याचं श्रेय देते.

प्रश्न - तुम्ही विधान परिषदेत गेल्यानंतर तुमचा अजेंडा काय असणार आहे?

उमा खापरे - माझा अजेंडा महिलांसाठी काम करणे. संघटनेमध्ये वाढ करणे. संघटनेच्या माध्यमातून आगामी विधानसभेच्या निवडणुकीत जास्तीत जास्त आमदार निवडून आणण्यासाठी प्रयत्न करेन.

Related Stories

No stories found.
Mumbai Tak
www.mumbaitak.in