ऋषभ पंतकडून संगीताचा अपमान? वादात अडकली नवीन जाहिरात; नाराज हंसल मेहतांनी हटवण्याची मागणी केली

हंसल मेहता ऋषभ पंतवर का चिडले?

क्रिकेटर ऋषभ पंतच्या ड्रीम 11 ची नवीन जाहिरात पाहून अनेकांची निराशा झाली आहे. जाहिरातीत तुम्ही पाहू शकता की, क्रिकेटपटू ऋषभ पंत म्हणतो की, जर मी क्रिकेटर झालो नाही तर… त्यानंतर तो एका संगीतकाराच्या गेटअपमध्ये येतो, पण अतिशय विसंगतपणे गातो आणि शेवटी म्हणतो, धन्यवाद मी माझे स्वप्न पूर्ण केले.

ही जाहिरात समोर आल्यानंतर अनेकांनी ऋषभ पंतने भारतीय संगीताचा अपमान केल्याचे सांगितले. अनेक लोक या जाहिरातीमुळे निराश झाले आहेत आणि त्यांचा राग त्याच्यावर काढत आहेत. चित्रपट निर्माते हंसल मेहता यांनीही या जाहिरातीवर नाराजी व्यक्त केली आहे. जाहिरातीचा व्हिडीओ ट्विट करत त्यांनी लिहिले, ही एक हास्यास्पद आणि अपमानास्पद जाहिरात आहे. स्वत: ला प्रोत्साहन द्या, परंतु कला आणि संस्कृती खाली खेचून नाही. ही जाहिरात काढून टाकण्याची माझी मागणी आहे, असं ते म्हणाले.

This is a disgusting and disrespectful commercial. Pimp yourself but not at the cost of ridiculing art and it’s rich traditions. I demand that @Dream11 pulls this down. pic.twitter.com/a9KIs23heL

— Hansal Mehta (@mehtahansal) December 10, 2022

ऋषभ पंतच्या जाहिरातीला लोकांचा संमिश्र प्रतिसाद मिळत आहे

ऋषभ पंतच्या या जाहिरातीवर अनेकजण वेगवेगळ्या प्रतिक्रिया देत आहेत. ऋषभ पंतच्या चाहत्यांना ही जाहिरात मजेदार आणि मनोरंजक वाटत आहे, परंतु बरेच लोक याला संगीताचा अपमान म्हणत आहेत. तुम्ही पण ही जाहिरात बघा आणि सांगा तुम्हाला याबद्दल काय म्हणायचे आहे?

दुसरीकडे, ऋषभ पंतबद्दल बोलायचे तर, तो अनेकदा त्याच्या क्रिकेटसह अभिनेत्री उर्शवी रौतेलासोबतच्या मतभेदामुळे चर्चेत असतो. एकेकाळी दोघांच्या डेटिंगच्या बातम्या येत होत्या, मात्र आता दोघेही एकमेकांना टोमणे मारण्याची एकही संधी सोडत नाहीत. दुसरीकडे, हंसल मेहता हे एक चित्रपट निर्माता आहे, जे आपल्या चित्रपटांसह बिंदास शैलीसाठी ओळखले जातात.