Ind vs NZ : सामन्यावर टीम इंडियाची मजबूत पकड, दुसऱ्या दिवसाअखेरीस 332 धावांची आघाडी

भारताविरुद्ध कसोटी सामन्यातली न्यूझीलंडची ही आतापर्यंतची सर्वात निचांकी धावसंख्या आहे. संपूर्ण न्यूझीलंड संघात सलामीवीर टॉम लॅथम आणि अखेरच्या फळीत काएल जेमिन्सन हे दोनच फलंदाज दोन आकडी धावसंख्या गाठू शकले. याव्यतिरीक्त अन्य सर्व फलंदाजांनी भारतीय गोलंदाजांसमोर नांगी टाकली.

Innings Break!

A session dominated by #TeamIndia as New Zealand are all out for 62 runs.

Scorecard – https://t.co/CmrJV47AeP #INDvNZ @Paytm pic.twitter.com/8Pg9fVkFmN

— BCCI (@BCCI) December 4, 2021

न्यूझीलंडच्या डावाची सुरुवातच अडखळती झाली. मोहम्मद सिराजने कर्णधार टॉम लॅथम, विल यंग आणि अनुभवी रॉस टेलर यांना माघारी धाडत न्यूझीलंडला धक्का दिला. या सुरुवातीच्या धक्क्यांमधून न्यूझीलंडचा संघ सावरुच शकला नाही. यानंतर रविचंद्रन आश्विनने आपल्या फिरकीच्या जाळ्यात न्यूझीलंडला अडकवत भारताची बाजू वरचढ केली. अखेरच्या फळीत जेमिन्सनने १७ रन्स करत भारतीय गोलंदाजांचा सामना करण्याचा प्रयत्न केला.

परंतू त्याचे प्रयत्नही तोकडेच पडले. भारतीय गोलंदाजांनी वानखेडेच्या खेळपट्टीचा पुरेपूर फायदा घेत न्यूझीलंडला बॅकफूटला ढकललं. पहिल्या डावात भारताला न्यूझीलंडला फॉलोऑन देण्याची संधी होती. परंतू विराट कोहलीने फॉलोऑनचा निर्णय न घेता पुन्हा फलंदाजी करणं पसंत केलं. भारताकडून पहिल्या डावात आश्विनने ४, सिराजने ३, अक्षर पटेलने दोन तर जयंत यादवने १ विकेट घेतली.