T-20 World Cup: भारतात नाही UAE मध्ये होणार टी-20 वर्ल्ड कप, कोरोना संकटामुळे BCCI चा मोठा निर्णय

गांगुलीने याबाबत बोलताना असं म्हटलं आहे की, ‘टी-20 वर्ल्डकपचं आयोजन हे संयुक्त अरब अमिरातीमध्ये करण्यात येणार असल्याची माहिती आयसीसीला अधिकृतपणे दिली आहे. तपशीलात चर्चा केली जात आहे. सर्वांच्या आरोग्याच्या विचार करून हा निर्णय घेण्यात आला आहे.’

IPL 2021 चा मुहूर्त ठरला, १९ सप्टेंबरपासून सुरु होणार उर्वरित सिझन

दरम्यान, याचं नेमकं वेळापत्रक कसं असणार याबाबत अद्याप कोणतीही माहिती समोर आलेली नाही. पण सूत्रांकडून मिळालेल्या माहितीनुसार वर्ल्डकपचा पहिला सामना हा 17 ऑक्टोबरपासून सुरु होण्याची शक्यता आहेत. तर 14 नोव्हेंबरला या स्पर्धेचा अंतिम सामना खेळवला जाऊ शकतं. अबू धाबी, शारजाह, दुबई या शहरांत ही स्पर्धा खेळवली जाणार आहे.

टी-२० विश्वचषकाचं आयोजन बीसीसीआय भारतात करण्याच्या प्रयत्नात होतं. परंतु दोन प्रमुख मुद्द्यांमुळे या प्रयत्नांना खीळ बसली आहे. भारत सरकारकडून कर सवलतीच्या मुद्द्यावर तोडगा काढण्यात बीसीसीआयला अपयश आलं आहे.

याचसोबत मे महिन्यात आयपीएलचा हंगाम मध्यावधीत स्थगित झाल्यानंतर आंतरराष्ट्रीय खेळाडू भारतात स्पर्धा खेळण्यासाठी उत्सुक आहेत की नाही यावरुन बीसीसीआय संभ्रमात होतं. ज्यामुळे ही स्पर्धा युएईत आयोजित करण्याच्या निर्णयावर एकमत झाल्याचं समजतं आहे.

T-20 World Cup चं आयोजन युएईत, BCCI आगामी बैठकीत ICC ला माहिती देणार

काही दिवसांपूर्वी बीसीसीआयने आपल्याशी संलग्न असलेल्या सर्व राज्य क्रिकेट संघटनांशी व्हर्च्युअल बैठक घेऊन आयोजनाबद्दल चर्चा केली. या बैठकीत बीसीसीआयच्या अधिकाऱ्यांनी ही स्पर्धा युएईत आयोजित केली जाऊ शकते याबद्दल माहिती दिली.

टी-२० वर्ल्डकप भारतात आयोजित झाल्यास बीसीसीआयला मोठ्या प्रमाणात कर द्यावा लागू शकतो. पण हीच स्पर्धा युएईत आयोजित केल्यास बीसीसीआयचा 41 टक्के खर्च कमी होणार आहे.

Champions Trophy is Back ! ICC कडून टी-२० आणि वन-डे वर्ल्डकप चा विस्तार

तसेच भविष्यात येऊ शकणारी कोरोनाची तिसरी लाट, Delta Varient ची भीती लक्षात घेता बीसीसीआय टी-२० विश्वचषकासारखी स्पर्धा भारतात आयोजित करण्याची जोखीम स्विकारायला तयार नाही.