इंग्लंडच्या ओली रॉबिन्सनचं आंतरराष्ट्रीय क्रिकेटमधून निलंबन

इंग्लंड क्रिकेट बोर्डाच्या शिस्तभंग चौकशीचा अहवाल येईपर्यं. रॉबिन्सनला कोणत्याही आंतरराष्ट्रीय सामन्यात खेळता येणार नाहीये. गुरुवारपासून एजबस्टन येथे सुरु होणाऱ्या न्यूझीलंडविरुद्ध दुसऱ्या टेस्ट मॅचमध्येही रॉबिन्सन खेळू शकणार नाहीये. रॉबिन्सनला इंग्लंडचा संघ तातडीने सोडण्याचे आदेश देण्यात आले आहेत.

Statement: Ollie Robinson suspended from all international cricket

— England Cricket (@englandcricket) June 6, 2021

२०१२-१३ मध्ये रॉबिन्सनने आपल्या ट्विटमध्ये काही आक्षेपार्ह शब्दांचा वापर करुन विशिष्ठ धर्मातील लोकांचा दहशतवादाशी संबंध असल्याचं म्हटलं होतं. याचसोबत आशियाई वंशांच्या लोकांबद्दलही रॉबिन्सनने अपमानास्पद वक्तव्य केलं होतं. रॉबिन्सननचे जुने ट्विट लॉर्ड्स कसोटीच्या पहिल्या दिवसापासून सोशल मीडियावर व्हायरल झाले होते. या प्रकरणाबद्दल रॉबिन्सनने तात्काळ माफी मागितली होती.

यानंतर इंग्लंड क्रिकेट बोर्डाने रॉबिन्सनचं ट्विट तपासून कारवाई करायचं आश्वासन दिलं होतं. दरम्यान न्यूझीलंडविरुद्ध पहिल्या टेस्ट मॅचमध्ये रॉबिन्सनने पहिल्या डावात ४ तर दुसऱ्या डावात ३ विकेट घेतल्या.