Women’s World Cup:आई आणि कॅप्टन, दुहेरी जबाबदारी निभावणाऱ्या पाकिस्तानी खेळाडूचं होतंय कौतुक

बिस्माहचे आपल्या बाळासोबतचे फोटो सोशल मीडियावर व्हायरल झाल्यानंतर सर्वच स्तरातून तिचं कौतुक करण्यात येतंय. भारतीय संघाने आजच्या सामन्यात पाकिस्तानला १०७ धावांच्या फरकाने हरवत विजय मिळवला. भारताच्या स्नेह राणा आणि पूजा वस्त्राकर या जोडीने पाकिस्तानी गोलंदाजांना अक्षरशः नाकीनऊ आणले.

Ind vs Pak women world cup : पाकिस्तानचा १०७ धावांनी उडवला धुव्वा! भारताचा विजयी प्रारंभ

या जोडीने केलेल्या शतकी भागिदारीमुळे भारताने पाकसमोर २४५ धावांचं आव्हान ठेवलं. पाकिस्तानी संघ हे आव्हान पूर्ण करु शकला नाही. परंतू पाकची कर्णधार बिस्माह मारुफची आज चांगलीच चर्चा झाली. लाल ड्रेसमधील बिस्माहच्या बाळाच्या फोटोवर सर्वच क्रिकेट चाहते आपली पसंती दर्शवत होते.

? Cricket kit
? Bags packed
? Baby cradle

Pakistan captain Bismah Maroof ready to face India ?#CWC22 pic.twitter.com/1ntYZfCzPY

— ICC (@ICC) March 6, 2022

सामना संपल्यानंतर भारतीय महिला संघालाही या छोट्या पाहुण्यासोबत फोटोसेशन करायचा मोह आवरला नाही. भारतीय महिलांनी पाकिस्तानी ड्रेसिंग रुममध्ये जाऊन बिस्माहच्या बाळासोबत चार निवांत क्षण घालवत फोटोसेशन केलं.

What a beautiful picture! ❤

?: PCB pic.twitter.com/GmHBkwEqUq

— CricTracker (@Cricketracker) March 6, 2022

Best moment of Women's World Cup 2022 comes from India vs Pakistan encounter #WorldCup #www #WWC22 #bismahmaroof #INDvsPAK pic.twitter.com/rgUBLSRju5

— CricTracker (@Cricketracker) March 6, 2022

भारताने प्रथम फलंदाजी करताना पाकिस्तानसमोर २४५ धावांचं आव्हान ठेवलं. या आव्हानाचा पाठलाग करताना पाकिस्तानी संघाची दमछाक झाली. भारताने पाकिस्तानचा अवघा संघ ४३ षटकं आणि १३७ धावांमध्येच गुंडाळला. भारताकडून राजेश्वरी गायकवाडने गोलंदाजीत कमाल करत पाकिस्तानला धक्के दिले. त्यामुळे पाकिस्तानला शेवटपर्यंत डाव सावरता आला नाही. भारताकडून राजेश्वरी गायकवाडने सर्वाधिक ४ गडी बाद केले. तर झूलन गोस्वामीने दोन गडी बाद केले.

Ind vs SL : पहिला ‘डाव’ भारताचा, श्रीलंकेचा एक इनिंगने उडवला धुव्वा