Tokyo Olympic 2020 : Sindhu च्या विजयात मोलाची भूमिका बजावणारे Park Tae-Sang आहेत तरी कोण? जाणून घ्या…

साखळी फेरीतल्या पहिल्या सामन्यापासून हा व्यक्ती तिच्या पाठीशी असून प्रत्येक मोक्याच्या क्षणी तिला मार्गदर्शन करत होता. हा व्यक्ती दुसरा तिसरा कोणीनसून सिंधूचे परदेशी कोच पार्क ताए सांग आहेत. सिंधूने कांस्यपदकाचा सामना जिंकल्यानंतर सांग यांच्या चेहऱ्यावरचा आनंद सर्व काही सांगून जात होता. सिंधूला मार्गदर्शन करणाऱ्या सांग यांच्याबद्दल आज आपण जाणून घेणार आहोत.

Tokyo Olympic 2020 : बॅडमिंटनमध्ये P.V.Sindhu ला कांस्यपदक, चिनी खेळाडूवर मात

सिंधू प्रामुख्याने दोन प्रशिक्षकांच्या मार्गदर्शनाखाली सराव करते. माजी बॅडमिंटनपटू पुलेला गोपीचंद यांच्या हैदराबाद येथील अकादमीत सिंधूचा सराव सुरु असतो. याच जोरावर तिने रिओ ऑलिम्पिकमध्ये रौप्य पदकाची कमाई केली होती. २०१९ मध्ये सिंधूने दक्षिण कोरियाच्या किम जी-ह्यून यांच्या मार्गदर्शनाखाली सराव सुरु केला. परंतू काही महिन्यांमध्येच ह्यून यांना आपलं काम सोडावं लागलं. यानंतर त्यांची जागा पार्क ताए-सांग यांनी घेतली.

कोण आहेत पार्क ताए-सांग? खेळाडू म्हणून कशी राहिली आहे त्यांची कारकीर्द??

पार्क ताए-सांग हे देखील दक्षिण कोरियाचे खेळाडू आहेत. २००४ साली झालेल्या अथेन्स ऑलिम्पिकमध्ये सांग सहभागी झाले होते, ज्याच्यात त्यांचं आव्हान उपांत्यपूर्व फेरीत संपुष्टात आलं. २००२ साली झालेल्या आशियाई खेळांमध्ये सांग यांनी सुवर्णपदक जिंकलं होतं. याव्यतिरीक्त सुदीरमन कप, आशिया चषक आणि आशियाई अजिंक्यपद स्पर्धेतही सांग यांनी विजेतेपद मिळवलं आहे.

Tokyo Olympic 2020 : P V Sindhu ने पदक जिंकल्यानंतर वडिलांची पहिली प्रतिक्रिया, म्हणाले..

सांग हे आपल्या रणनितींसाठी ओळखले जातात. गेल्या काही महिन्यांपासून सिंधू त्यांच्या मार्गदर्शनाखाली सराव करत आहे. सिंधूच्या मते सांग यांनी खेळात आपली रणनीती सुधारण्याकडे लक्ष दिलं असून प्रतिस्पर्ध्याचा खेळ बारकाईने पाहून आपल्या खेळात कसा बदल करावा यांचं मार्गदर्शन केलं आहे. ज्याचा फायदा तिला टोकियो ऑलिम्पिकमध्ये होताना दिसतो आहे. टोकियो ऑलिम्पिकमध्येही सांग हे सतत सिंधूला पाठीमागून सल्ला देत खेळादरम्यान कोणते फटके वापर, कसं खेळायला हवं, कसं नको याचा सल्ला देताना दिसत होते. त्यामुळे टोकियो ऑलिम्पिकनंतरही सिंधूने सांग यांच्यासोबत सराव करण्याची तयारी दाखवली आहे.