Tokyo Olympic 2020 : तिरंदाजीत भारताचं आव्हान संपुष्टात, दिपीका-प्रवीण जाधव जोडी पराभूत

दक्षिण कोरियाच्या जोडीने भारतीय जोडीवर ६-२ ने मात करत आगेकूच केली आहे. चीन तैपेईचा पराभव करणाऱ्या भारतीय जोडीचा कोरियन जोडीसमोर निभाव लागू शकला नाही. विशेषकरुन मोक्याच्या क्षणी प्रवीण जाधवने केलेली निराशाजनक कामगिरी भारताला चांगलीच भोवली.

#Tokyo2020 | Archery Mixed Team event: Deepika Kumari and Pravin Jadhav lose 2-6 to South Korea's An San and Kim Je Deok in quarter-final. pic.twitter.com/d2iuKeEsmR

— ANI (@ANI) July 24, 2021

ऑलिम्पिकमध्ये तिरंदाजी प्रकारात मिश्र स्पर्धा खेळवण्याची ही पहिलीच वेळ आहे आणि पहिल्याच प्रयत्नात भारतीय जोडीने अत्यंत आश्वासक खेळ करत भारताच्या पदकाच्या आशा कायम ठेवल्या आहेत. पहिल्या सामन्यात भारतीय खेळाडूंनी धडाकेबाज खेळ केला. चीन तैपेईने सुरुवातीच्या सत्रात आघाडी घेतलेली असतानाही प्रवीण जाधवने नंतरच्या सत्रात चांगल्या गुणांची कमाई केली.

? to win…

Deepika Kumari delivers a victory for India in the first-ever mixed team match at the @Olympics.#ArcheryatTokyo #archery pic.twitter.com/x0JwjEdz4m

— World Archery (@worldarchery) July 24, 2021

यानंतर दिपीका कुमारीने आपल्या अनुभवाच्या जोरावर आघाडी मिळवत अखेरपर्यंत ही आघाडी कायम राहिल याची काळजी घेतली. पुरुष आणि महिला खेळाडूंमध्ये सर्वाधिक गुणांची कमाई करणाऱ्या खेळाडूला मिश्र प्रकारात संधी मिळते. भारतीय संघाची रचना पाहता दिपीका कुमारी आपला पती आणि सहकारी खेळाडू अतानू दाससोबत मैदानात उतरेल असं वाटलं होतं. परंतू प्रवीण जाधवने अतानू दासच्या तुलनेत चांगली कामगिरी केल्यामुळे भारताने दिपीका कुमारी आणि प्रवीण जाधव जोडीला मैदानात उतरवलं. परंतू कोरियाविरुद्ध पराभवानंतर आता मिश्र प्रकारात भारताचं आव्हान अखेर संपुष्टात आलंय.