आयेशाच्या प्रेमात वेडा झाला होता Shikhar, चॅटींगच्या नादात फ्लाईटही सुटलं होतं

शिखर धवन मुळचा दिल्लीचा तर आयेशाचा जन्म हा पश्चिम बंगालचा यानंतर ती ऑस्ट्रेलियातील मेलबर्नमध्ये स्थायिक झाली. या दोघांची लव्हस्टोरी जितकी गाजली तितकाच या दोघांच्या नात्याचा अंत त्यांच्या फॅन्ससाठी वेदना देणारा ठरला आहे.

काही वर्षांपूर्वी प्रसिद्ध अँकर शिबानी दांडेकरने आयेशाचा एका युट्यूब चॅनलचा इंटरव्ह्यू घेतला होता. तीन वर्षांपूर्वी लंडनच्या रस्त्यावर शूट झालेल्या या व्हिडीओत आयेशाने आपलं खासगी जीवन, पहिल्या लग्नापासून घटस्फोट, शिखर धवनसोबत मैत्री आणि त्यानंतर झालेलं प्रेमी, तिचं टॅटू आणि फिटनेसबद्दलचं प्रेम आणि मुलगा झोरावरच्या जन्मावेळचे अनेक किस्से शेअर केले होते.

Shikhar Dhawan Divorce : शिखर-आयेशा घटस्फोट; पत्नीची भावनिक पोस्ट

फेसबूकवरचा फोटो पाहून प्रेमात पडला होता शिखर –

फिटनेस बद्दल सजग असलेली आयेशा ही किक बॉक्सिंग खेळते. आपला बॉक्सिंग रिंगमधला एक फोटो तिने फेसबूकवर अपलोड केला होता. हा फोटो पाहूनच शिखर आयेशाच्या प्रेमात पडला होता. शिखर धवनने आयेशाला फ्रेड रिक्वेस्ट पाठवली होती, परंतू आयेशाने सुरुवातीला शिखरची रिक्वेस्ट एक्सेप्ट केली नव्हती. यानंतर दोघांमध्ये मैत्री झाली आणि दोघेही मेसेजच्या माध्यमातून बोलायला लागले.

यानंतर दोघांमध्ये नेहमी चॅटिंग व्हायचं. एका प्रसंगी शिखर आयेशासोबत चॅटिंग करत राहिला ज्यात ३ तास निघून गेले आणि तो विमानात बसणं विसरुन गेला होता. आयेशाची आई ही बंगाली असून तिचे वडील ऑस्ट्रेलियन आहेत. वयाच्या आठव्या वर्षी आयेशाने भारत सोडून ऑस्ट्रेलिया गाठलं. आयेशा आणि शिखर या दोघांनाही टॅटूचं प्रचंड वेड आहे. आपल्या उजव्या हातावर आयेशाने एक मोठा ओम चा टॅटू गोंदवला आहे.