Tokyo Olympics : Chak De India! कोच जोर्द मरीन यांचे ‘ते’ शब्द आणि भारतीय महिलांनी ऑस्ट्रेलियाला धुळ चारली
भारतीय महिला हॉकी संघाने उपांत्यपूर्व फेरीत बलाढ्य ऑस्ट्रेलियावर मात करत उपांत्य फेरीत प्रवेश केला आहे. १-० ने भारतीय महिलांनी या सामन्यात विजय मिळवला. भारतीय संघाच्या या विजयाची शिल्पकार ठरली ती गोलकिपर सविता पुनिया. सविता पुनियाने संपूर्ण सामन्यात बचावफळीच्या सहाय्याने ९ पेनल्टी कॉर्नर वाचवत भारताची आघाडी कायम ठेवत संघाच्या विजयात मोलाची भूमिका निभावली. भारतीय महिला हॉकी […]
ADVERTISEMENT
भारतीय महिला हॉकी संघाने उपांत्यपूर्व फेरीत बलाढ्य ऑस्ट्रेलियावर मात करत उपांत्य फेरीत प्रवेश केला आहे. १-० ने भारतीय महिलांनी या सामन्यात विजय मिळवला. भारतीय संघाच्या या विजयाची शिल्पकार ठरली ती गोलकिपर सविता पुनिया. सविता पुनियाने संपूर्ण सामन्यात बचावफळीच्या सहाय्याने ९ पेनल्टी कॉर्नर वाचवत भारताची आघाडी कायम ठेवत संघाच्या विजयात मोलाची भूमिका निभावली.
भारतीय महिला हॉकी संघाची या स्पर्धेतली सुरुवात फारशी चांगली झालेली नव्हती. पहिले ३ सामने गमावल्यानंतर भारतीय महिलांनी आयर्लंड आणि दक्षिण आफ्रिकेला पराभूत केलं. यानंतर ग्रेट ब्रिटनने आयर्लंडला हरवल्यामुळे भारतीय महिलांना उपांत्यपूर्व फेरीचं तिकीट मिळालं. भारतीय महिला हॉकी संघाला मार्गदर्शन करणारे कोच जोर्द मरीन यांनी सामना सुरु होण्याआधी चक दे इंडिया पिक्चरमधील शाहरुख खानसारखा एक संदेश भारतीय महिलांना दिला.
Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX
— Shah Rukh Khan (@iamsrk) August 2, 2021
सामना संपल्यानंतर प्रसारमाध्यमांशी बोलताना सवीता पुनियाने याबद्दल माहिती दिली. “हा तुमचा ऑलिम्पिकमधला पहिला आणि शेवटचा सामना समजा. तुमच्याकडे फक्त ६० मिनीटं आहेत, त्यामुळे जमेल तेवढे सर्व प्रयत्न करुन मेहनतीने खेळा. आपल्या हातातली ही शेवटची संधी आहे असं समजून पुरेपूर प्रयत्न करा.” कोचच्या या शब्दांमुळे आम्हाला अधिक प्रेरणा मिळाली असंही सविता पुनियाने सांगितलं.
भारतीय महिलांनी Tokyo Olympics मध्ये रचला इतिहास, बलाढ्य ऑस्ट्रेलियावर मात करत उपांत्य फेरीत प्रवेश
