सिक्सर किंग युवराज पुनरागमन करणार, सोशल मीडियावरुन दिले संकेत

युवराजने आपल्या सोशल मीडिया अकाऊंटवर आपल्या जुन्या खेळीचा एक व्हिडीओ पोस्ट करत फेब्रुवारी महिन्यात पुनरागमन करण्याचे संकेत दिले आहेत.

View this post on Instagram

A post shared by Yuvraj Singh (@yuvisofficial)

सोशल मीडियावर स्वत:चा हा व्हिडिओ पोस्ट करताना युवराजने लिहिले आहे की, “तुमचं नशीब देव ठरवतो. जनतेच्या मागणीनुसार मी फेब्रुवारीमध्ये पुन्हा एकदा मैदानात उतरेन. या भावनेपेक्षा माझ्यासाठी काहीही महत्त्वाचे नाही. यासाठी मी सर्वांचा आभारी राहीन.”

युवराज सिंगने 2000 मध्ये नैरोबी येथे खेळल्या गेलेल्या ICC नॉकआउट स्पर्धेतून आंतरराष्ट्रीय पदार्पण केले आणि पुढील 17 वर्षे तो भारताकडून खेळला. युवराजने भारतासाठी शेवटचा सामना 30 जून 2017 रोजी वेस्ट इंडिजविरुद्ध खेळला. त्यानंतर त्याने 2019 मध्ये निवृत्तीची घोषणा केली.

युवराज सिंगने भारतासाठी 40 कसोटी, 304 एकदिवसीय आणि 58 टी-20 सामने खेळले आहेत. त्याने आंतरराष्ट्रीय क्रिकेटमध्ये 11,000 हून अधिक धावा केल्या आहेत, ज्यात 17 शतके आणि 71 अर्धशतकांचा समावेश आहे. युवराज पूर्ण फॉर्ममध्ये असताना त्याला रोखणे प्रतिस्पर्धी संघांसाठी कठीण होते. 11,000 हून अधिक धावा करण्यासोबतच त्याने 148 विकेट्स देखील घेतल्या आहेत, ज्यामध्ये दोन वेळा एकाच डावात 4 विकेट्स आणि एकदा 5 विकेट्स घेण्याचा पराक्रम त्याने केला आहे.