दररोज प्या 'हा' पिवळा चहा; आरोग्यासाठी ठरेल चमत्कारी!

जवळपास प्रत्येक भारतीच्या स्वयंपाकघरात जेवणाची चव वाढवण्यासाठी ओव्याचा वापर मोठ्या प्रमाणात केला जातो. ओव्याचे बरेच आरोग्यदायी फायदे आहेत.

आयुर्वेदात आरोग्यासाठी ओव्याच्या फायद्यांबद्दल सांगितलं गेलं आहे. ओवा पचनासाठी अत्यंत फायदेशीर मानलं जातं. ओव्यामध्ये बरेच अँटी-बॅक्टेरियल गुणधर्म आढळतात.

मुळव्याधाच्या समस्येसाठी ओवा अधिक गुणकारी मानला गेला आहे. ओव्याचा चहा प्यायल्याने या आजारापासून आराम मिळवता येऊ शकतो.

बऱ्याच रिसर्चनुसार, ओव्याच्या चहाचं सेवन केल्याने इन्सूलिनची सेन्सिटिव्हिटी सुधारते. यामुळे ब्लड शूगरची पातळी सुद्धा नियंत्रणात राहते.

ओव्याचा चहा बनवण्यासाठी एक कप पाण्यात ओवा टाकून ते 5 ते 7 मिनिटे उकळत ठेवा. त्यानंतर हे पाणी गाळून त्यात मध टाकून त्याचं सेवन करा.