अनेकदा लोक सकाळी उठल्यानंतर कॉफी पितात आणि त्यानंतरच नाश्ता करतात. मात्र त्याचा तोटा तुम्हाला सहन करावा लागत असतो.
नुकत्याच झालेल्या एका अभ्यासानुसार सकाळी नाश्त्यापूर्वी कॉफी पिणे आरोग्यासाठी चांगले नसते. कारण सकाळी रिकाम्या पोटी कॉफी पिल्यामुळे आरोग्यासाठी ते हानीकारक असते.
रिकाम्या पोटी कॉफी प्यायल्याने आरोग्यावर विपरीत परिणाम होत असतो.
डेली एक्सप्रेसच्या वृत्तानुसार, संशोधनात असे दिसून आले आहे की झोपेचा त्रास आणि कॉफीचे सेवन या दोन्हीमुळे ग्लुकोजच्या मर्यादेपलीकडे वाढू शकते.
रक्तातील ग्लुकोज हे ऊर्जेसाठी आवश्यक असते, मात्र कॉफीमुळे साखर वाढत असते. त्यामुळे ते एका मर्यादेत ठेवणे महत्वाचे असते.
रिकाम्या पोटी ब्लॅक कॉफी पिणाऱ्या लोकांच्या रक्तातील ग्लुकोजचे प्रमाण हे 50 टक्क्यांनी वाढत असते.
संशोधनानुसार न्याहारीपूर्वी तुम्ही ब्लॅक कॉफी पिल्यास त्याचा तोटा तर होतोच मात्र त्याचवेळी तुमच्यामध्ये साखरेचेही प्रमाण वाढत असते.
कॉफी एखाद्या व्यक्तीच्या कोर्टिसोलची पातळी खूप वेगाने वाढवते, मात्र ती सामान्य स्थितीत आणण्यासाठी थोडा वेळ लागतो.
कोर्टिसोल हे तुमच्या शरीरातील मुख्य ताण संप्रेरक आहे आणि जर त्याची पातळी दीर्घकाळ उच्च राहिली तर तुम्हाला टाइप 2 मधुमेहाचा धोका असतो.