रशियाचे राष्ट्राध्यक्ष व्लादिमीर पुतिन यांना हृदयविकाराचा झटका आल्याच्या वृत्तामुळे सोशल मीडियावर खळबळ उडाली आहे.
व्लादिमीर पुतिन यांना रविवारी रात्री नऊ वाजण्याच्या सुमारास हृदयविकाराचा झटका आल्याचे वृत्त सोशल मीडियावरुन व्हायरल होताच अनेकांना धक्का बसला.
हे वृत्त येताच असंही सांगण्यात आले की, पुतिन हे त्यांच्या बेडजवळच पडलेले आढळून आले होते. त्यानंतर त्यांच्या डॉक्टरांनी त्यांच्यावर उपचार केल्याचा दावा करण्यात आला.
पुतिन यांना हृदयविकाराचा झटका आल्यानंतर त्यांच्या सुरक्षा रक्षकांनी त्यांना बेडजवळ पडलेले पाहिले होते.
व्लादिमीर पुतिन यांना हृदयविकाराचा झटका आल्याचे समजताच त्यांच्या सुरक्षा रक्षाकांनी तात्काळ डॉक्टरांना पाचारण केल्याचेही सांगण्यात आले.
तर या एका वृत्तानुसार असाही दावा केला जात आहे की, त्यांच्या सुरक्षा रक्षकानेच पुतिन यांच्या वैद्यकीय पथकाला बोलवून त्यांच्यावर उपचार सुरु केले.