FIFA 2022 : …अन् जड पावलांनी परताना क्रिस्टियानो रोनाल्डो रडलाच

शनिवारी रात्री मोरोक्कोने पोर्तुगालचा पराभव केला. अनेक विक्रम आपल्या नावावर असलेला जगातील सर्वात दिग्गज फुटबॉलपटू ख्रिस्तियानो रोनाल्डो जेव्हा स्टेडियमधून रडत बाहेर आला, तेव्हा त्याच्या अनेक चाहते देखील भावूक झाले. भारतात जर काही फुटबॉलपटूंची नावे कोणाला विचारली, किंवा कोणाची ओळख विचारली, तर कदाचित पहिले किंवा दुसरे नाव रोनाल्डोचेच असेल. फुटबॉलला एका वेगळ्या उंचीवर नेणाऱ्या या ३७ वर्षीय खेळाडूने आता फुटबॉलच्या सर्वात मोठ्या स्पर्धेला म्हणजेच विश्वचषकाला निरोप दिला आहे. आणि तेही एका अपूर्ण स्वप्नाने, त्यामुळे अनेकांनी हळहळ व्यक्त केली आहे.

विश्वचषक जिंकण्याचे होते स्वप्न

रोनाल्डो हे फुटबॉलचे सर्वात मोठे नाव आहे, ज्याने प्रत्येक कमाईचा विक्रम मोडला, ज्याने क्लब फुटबॉलमध्ये विक्रमी गोल केले. पण एक गोष्ट त्याच्याकडे नाही ती म्हणजे त्याच्या देशासाठी फुटबॉल विश्वचषक. त्याचे हे स्वप्न अपूर्ण राहिले, जे आता पूर्ण होणार नाही. जेव्हा मोरोक्कोकडून 0-1 असा पराभव झाला आणि रोनाल्डो रडत बाहेर आला, तेव्हा प्रत्येक अश्रूत वेदना होती जी तुटलेल्या स्वप्नाची कथा सांगत होती.

या कथेचा शेवट किती वाईट होता हे फक्त रोनाल्डो आणि त्याचे चाहतेच जाणू शकतात. कारण कारकिर्दीतील शेवटचा विश्वचषक खेळणाऱ्या रोनाल्डोचे शेवटचे दोन सामने होते, जे त्याच्या संघासाठी अत्यंत महत्त्वाचे सामने होते. त्या सामन्यांमध्ये, त्याला सुरुवातीच्या 11 मध्ये स्थान मिळवता आले नाही आणि शेवटी तो फक्त बदली खेळाडू म्हणून सामील होऊ शकला.

रोनाल्डोने पाच वेगवेगळ्या विश्वचषकात गोलचा विक्रम केला होता. 196 सामन्यांमध्ये 118 आंतरराष्ट्रीय गोल करण्याचा विक्रम, 5 वेळा बॅलोन डी’ओर पुरस्कार जिंकण्याचा मान, चार वेळा युरोपियन गोल्डन शू जिंकण्याचा मानकरी, 7 वेळा लीगचे विजेतेपद पटकावण्याचा विक्रम. रोनाल्डोच्या नावावर असे किती विक्रम आहेत ज्यामुळे तो या खेळाचा GOAT बनला, पण केवळ विश्वचषकच नाही तर तो आपल्या देशासाठीचे सर्वात मोठे स्वप्न पूर्ण करू शकला नाही.

2003 मध्ये आपल्या कारकिर्दीला सुरुवात करणारा रोनाल्डो 2006 मध्ये पहिल्यांदा विश्वचषक खेळला, त्याने आपल्या कारकिर्दीत एकूण 5 विश्वचषक खेळले. रोनाल्डोच्या नावावर 2006, 2010, 2014, 2018, 2022 या पाच वेगवेगळ्या विश्वचषकांमध्ये एकूण 18 सामन्यांमध्ये 7 गोल नोंदवण्याचा विक्रम आहे. लीग फुटबॉलमध्ये 700 हून अधिक गोल करण्याचा विक्रम त्याच्या नावावर आहे, मात्र त्याचे विश्वचषक जिंकण्याचे स्वप्न अधुरेच राहिले, असे रोनाल्डोने शेवटी सांगितले.

मोरोक्कोने पोर्तुगालला पराभूत केले तेव्हा त्यांच्यासाठी तो इतिहास बनला, मोरोक्को हा आफ्रिका-अरब देशांतून उपांत्य फेरीत पोहोचणारा पहिला संघ ठरला. पण या इतिहासासोबत आणखी एका इतिहासही गाडले गेले, रोनाल्डोची आंतरराष्ट्रीय कारकीर्द आता फक्त इतिहास आहे. सामना संपल्यावर रोनाल्डो लगेच रडत बाहेर आला, स्टेडियमच्या बाजूने रोनाल्डो ड्रेसिंग रूममध्ये जात असल्याचा व्हिडिओ समोर आला. जिथे मागे प्रकाश आहे, तिथे पुढे अंधार आहे आणि मध्येच रोनाल्डो, जो रडत आहे आणि वेळ संपत आहे.

‘मी नेहमी विचार करतो की मी वर्षानुवर्षे काय करू शकतो. मला ही स्पर्धा जिंकायची आहे. मी त्याचे स्वप्न पाहतो, पण जर तुम्ही मला सांगितले की मी दुसरी कोणतीही स्पर्धा जिंकू शकत नाही, तर मला आनंद होईल कारण मी आतापर्यंत खूप काही जिंकले आहे. सर्व काही रेकॉर्डमध्ये नोंदवले जाईल, पण हो विश्वचषक ट्रॉफी माझ्या शेल्फमध्ये वाईट दिसणार नाही. असं एक स्वप्न आहे, जे माझे आहे.