Shiv Sena : गोविंदा शिवसेनेत! शिंदेंना 'या' जागेसाठी उमेदवार सापडला?
Govinda Joined Shiv Sena : माजी खासदार आणि अभिनेता गोविंदाने एकनाथ शिंदे यांच्या शिवसेनेत प्रवेश केला आहे.
ADVERTISEMENT
Govinda joined shiv sena : एकनाथ शिंदे यांच्या शिवसेनेकडून मुंबईतील एका मतदारसंघासाठी एका सेलिब्रिटीचा शोध सुरू असल्याच्या चर्चांना आज पूर्णविराम मिळाला. अभिनेता गोविंदा यांने वर्षा बंगल्यावर जाऊन मुख्यमंत्री एकनाथ शिंदे यांच्या उपस्थित शिवसेनेत प्रवेश केला. उत्तर पश्चिम मुंबई लोकसभा मतदारसंघातून शिंदे कलाकाराला उमेदवार असल्याची चर्चा आहे. त्यावर लवकरच शिक्कामोर्तब होण्याची चिन्हे आहेत. (Actor Govinda Joined eknath Shinde's Shiv Sena)
मला मिळालेली जबाबदारी योग्य रीतीने पार पाडेल, असे गोविंदा यावेळी म्हणाला. तर एकनाथ शिंदे यांनी गोविंदाचे शिवसेनेत स्वागत केले. यावेळी शिंदे म्हणाले की, "गोविंदाजी मला म्हणाले की, मुंबई बदलतेय. त्यांना विकास हवा आहे. मोदींच्या नेतृत्वाखाली जे काम सुरू आहे, ते पाहून ते शिवसेनेमध्ये आले आहेत."
"मुंबईतील फिल्म इंडस्ट्रीसाठी त्यांना काम करायचं आहे. त्यांनी मला सांगितलं आहे की, त्यांच्या कुठल्याही अटी शर्थी नाहीत. त्यांनी मला सांगितलं की, वनवास होता. तो संपला आहे. आता राम मंदिरही बनलं आहे. आता सगळीकडे गोविंदा... गोविंदा आहे", असे एकनाथ शिंदे यावेळी म्हणाले.
हे वाचलं का?
ADVERTISEMENT
त्यांना तिकीट नकोय - शिंदे
गोविंदाला उमेदवारी देणार आहे का? असा प्रश्न ज्यावेळी विचारण्यात आला. त्यावर शिंदे म्हणाले की, "त्यांनी कोणतीही अट ठेवलेली नाही. त्यांना तिकीट नको आहे. त्यांना बळजबरी तिकीट देणार का? त्यांना फक्त फिल्म इंडस्ट्रीसाठी काम करायचे आहे", असे सांगत शिंदेंनी थेट उत्तर देणे टाळले.
उत्तर पश्चिम मुंबईतून उमेदवारी...
जेव्हा शिंदेंना विचारण्यात आले की, उत्तर पश्चिम लोकसभा मतदारसंघातून उमेदवारी देणार का? त्यावर ते म्हणाले की, "फक्त उत्तर पश्चिम का? महाराष्ट्रात ४८ लोकसभा मतदारसंघ आहेत. या जागांवर महायुती मजबुतीने लढणार आणि जिंकणार. इतकं लक्षात ठेवा. राज्यात जे काम झालं आहे, ते लोकांनी पाहिले आहे. घरात बसणारे हे सरकार नाही. हे सरकार रस्त्यावर उतरून काम करणारे आहे", असे शिंदे म्हणाले.
ADVERTISEMENT
गोविंदा राहिला आहे खासदार
लोकसभा निवडणुकीत उतरण्याची गोविंदाची ही पहिली वेळ नाही. यापूर्वीही काँग्रेसच्या तिकिटावर गोविंदा निवडून आला होता. 2004 ते 2009 या कालावधीत खासदार होता. मुंबई उत्तर मतदारसंघातून भाजपच्या राम नाईक यांचा पराभव गोविंदाने केला होता.
ADVERTISEMENT
शिवसेना उमेदवारांची संभाव्य यादी
1) रामटेक - राजू पारवे (उमेदवारी अर्ज भरला आहे.)
2) बुलढाणा - संजय जाधव
3) यवतमाळ-वाशिम - भावना गवळी किंवा संजय राठोड
4) हिंगोली - हेमंत पाटील
5) कोल्हापूर - संजय मंडलिक किंवा समरजीत घाटगे (भाजप)
6) हातकंणगले - धैर्यशील माने
7) औरंगाबाद - बाकी (दानवेसाठी प्रयत्न सुरु आहे)
8) मावळ - श्रीरंग बारणे
9) शिर्डी - सदाशिव लोखंडे
10) पालघर - राजेद्र गावित
11) कल्याण - श्रीकांत शिंदे
12) ठाणे - बाकी (प्रताप सरनाईक आणि रवी फाटक)
13) दक्षिण मध्य मुंबई - राहुल शेवाळे
14) उत्तर पश्चिम - (गोविंदाला उमेदवारी देण्याची शक्यता)
ADVERTISEMENT