'तुमची लायकी काय आहे?', संजय राऊतांच्या वक्तव्यानंतर नवनीत राणांचा पलटवार!
Navneet Rana On Sanjay Raut : अमरावतीमध्ये भाजपच्या उमेदवार नवनीत राणा यांची उमेदवारी जाहीर करण्यात आली आहे. पण आता यासर्वात चर्चेचा विषय ठरत आहे तो म्हणजे संजय राऊतांचं वादग्रस्त विधान... शिवसेना (उद्धव बाळासाहेब ठाकरे) खासदार संजय राऊत यांची अमरावतीतल्या सभेत नवनीत राणांवर टीका करताना जीभ घसरली. राऊतांनी राणा यांचा उल्लेख नाची, बबली असा केला होता. यानंतर आता संजय राऊतांच्या या वक्तव्यावर नवनीत राणा यांनी आक्रमक पवित्र घेतला आहे.
ADVERTISEMENT
Navneet Rana On Sanjay Raut : अमरावतीमध्ये भाजपच्या उमेदवार नवनीत राणा यांची उमेदवारी जाहीर करण्यात आली आहे. पण आता यासर्वात चर्चेचा विषय ठरत आहे तो म्हणजे संजय राऊतांचं वादग्रस्त विधान... शिवसेना (उद्धव बाळासाहेब ठाकरे) खासदार संजय राऊत यांची अमरावतीतल्या सभेत नवनीत राणांवर टीका करताना जीभ घसरली. राऊतांनी राणा यांचा उल्लेख नाची, बबली असा केला होता. यानंतर आता संजय राऊतांच्या या वक्तव्यावर नवनीत राणा यांनी आक्रमक पवित्र घेतला आहे. (BJP Navneet Rana's slammed Sanjay Raut's after his controversial statement )
नवनीत राणा नेमकं काय म्हणाल्या?
'एखादा टिन टप्पर मुंबईवरून उडून येतो आणि अमरावतीच्या सुनेबाबत खालच्या पातळीवर बोलत असेल तर त्याला अमरावतीची जनता सहन करणार नाही.' असं म्हणत नवनीत राणांनी संजय राऊतांवर संताप व्यक्त केला.
तुमची लायकी काय आहे?- नवनीत राणा
'तुमची लायकी काय आहे? पाच टर्म या ठिकाणी शिवसेनेने अमरावती मतदारसंघाचे प्रतिनिधित्व केलं, तुमची लायकी तेवढी राहिली नाही की तुम्ही हा मतदारसंघ मागून या मतदारसंघात उमेदवार देऊ शकले नाही, तेवढीच लायकी तुमची आहे.' अशी जहरी टीका करत नवनीत राणांनी राऊतांवर पलटवार केला.
नवनीत राणा यांनी यापूर्वीही राऊतांना सुनावले खडेबोल
'तुम्ही तुमच्या पत्नीला, आईला आणि मुलीला विचारा की, तुम्ही कोणता शब्द वापरला आहे. संजय राऊत यांनी त्यांच्या बायकोला विचारावे की, तुम्ही काय शब्द बोलला आहात. तुमच्या मुलीचे लग्न झाले, त्यावेळी तीला सासरी पाठवले असेल, तेव्हा त्या मुलीला विचारा तुम्ही कोणता शब्द वापरला आहे. ज्या आईने तुम्हाला जन्म दिला, त्या आईला देखील विचारा की तुम्ही काय शब्द वापरला आहे.