मी जिवंत असून घरी आहे…निधनाच्या अफवांवर गायक लकी अली यांची पोस्ट

यासंदर्भात लकी अली यांनी इन्स्टाग्राम अकाऊंटवर एक स्टोरी शेअर केली आहे. या स्टोरीमध्ये ते म्हणतात, “सगळ्यांना नमस्कार, सध्या सोशल मीडियावर माझ्या निधनाच्या अफवा सुरु आहेत. त्यावर मला स्पष्टीकरण द्यायचं आहे. मी जिवंत आणि घरी आहे. आशा आहे की तुम्ही सर्वजण देखील काळजी घेत आहात. तसंच सुरक्षित आहात.’

मंगळवारी लकी अली यांचं कोरोनामुळे निधन झाल्याच्या अफवा पसरल्या होत्या. यानंतर एकाने त्यांना सोशल मीडियावरून श्रद्धांजली देखील वाहिली. मात्र या सर्व अफवा असून लकी अली सुखरूप असल्याची माहिती त्यांनी दिलीये.

दरम्यान यापूर्वी कालच लकी अली यांच्या मैत्रिण नफीसा अलीने ट्वीट करत या सर्व अफवा असल्याचं सांगितलं होतं. नफिसा ट्विटमध्ये म्हणाल्या की, “लकी एकदम ठीक असून आमचं दुपारी बोलणं झालं. त्याला कोरोना झालेला नाही आणि त्याची प्रकृती उत्तम आहे.”