या कारणामुळे द फँमिली मँन २ वेबसिरीज वादाच्या भोवऱ्यात, सिरीजवर बंदी घालण्याची खासदाराने केली मागणी

फँमिली मँन २ च्या ट्रेलरमध्ये अभिनेत्री सामंथा अक्कीनेनी राजी नावाची भूमिका करते आहे. राजी ही यात दहशतवादी दाखवण्यात आली आहे. ती सरकार विरोधात आहे. या सीरिजमध्ये चेन्नई शहराची पार्श्वभूमी दाखवण्यात आली आहे. तिथे श्रीकांत तिवारी राजीला पकडण्यासाठी प्रयत्न करत आहेत. असे या ट्रेलरमध्ये दाखवण्यात आले आहे.या सीरिजमध्ये तामिळ लोक दहशतवादी आणि आयसिसचे एजंट असल्याचे आणि त्यांचा संबंध पाकिस्तानसोबत असल्याचे दाखवण्यात आल्याचे वायको यांनी म्हटलं आहे. यामुळे तामिळ समाजातील लोकांच्या भावनांना ठेच लागली आहे. हे तामिळ संस्कृतीच्या विरुद्ध आहे. तामिळनाडूमध्ये लोकांनी या सीरिजवर मोठ्या प्रमाणात टीका केली आहे आणि याच्या विरोधात आंदोलन करत आहेत असे वायको यांनी जावडेकर यांना लिहिलेल्या पत्रात म्हटले आहे. याच्याआधी अनेकांनी या सीरिजवर बंदी घालण्याची मागणी केली होती. तमिळ लोकांचे आंतरराष्ट्रीय स्तरावर चुकीचे वर्णन केलं आहे. तसेच यामध्ये एलटीटीईला दहशदवादी संघटना म्हटले आहे, असा दावा अनेकांनी केला होता.