Conjunctivitis : झपाट्याने पसरतोय ‘आय फ्लू’, डोळ्यांची काळजी कशी घ्याल?

डोळे येणे (डोळ्यांच्या बुबुळाच्या पुढील भागाचा होणारा दाह) आजार काय आहे?

बंगळुरूतील फोर्टिस रुग्णालयातील वरिष्ठ सल्लागार डॉ. आदित्य एस. चौती यांनी सांगितलं की, “डोळे येणे, डोळ्याचा पांढरा भागावर सूज, जळजळ होणे… डोळे येणे साथीच्या काळात बॅक्टेरिया किंवा विषाणू पसरत असतात. काहीवेळा लोकांना एलर्जीच्या माध्यमातूनही याचा संसर्ग होऊ शकतो.

वाचा >> Rajyasabha: ‘त्या’ खासदारावरुन राडा… जाणून घ्या खासदार कधी आणि कसे होतात निलंबित?

डोळ्यांचा संसर्ग कसा पसरतो?

डोळे येण्याच्या काही प्रकरणांमध्ये अत्यंत सांसर्गिक असू शकतो आणि आधीच संक्रमित व्यक्तीच्या संपर्कातून पसरतो. हा रोग पसरण्याचा सर्वात सामान्य मार्ग म्हणजे संक्रमित लोक वारंवार त्यांच्या डोळ्यांना स्पर्श करतात आणि त्यांचे हात स्वच्छ करणे विसरतात.

Afzal Guru ला फाशी देताच जेलर ढसाढसा रडला, कधीही समोर न आलेला ‘हा’ किस्सा जरूर वाचा!

जर एखाद्या व्यक्तीस कंजक्टिवाईटिस आजार असेल, तर त्याच्या डोळ्यात पाहू नका आणि त्याचा रुमाल, टॉवेल, टॉयलेटची नळी, दरवाजाचे हँडल, मोबाईल इत्यादींना हात लावू नका.

या आजाराची लक्षणे काय असतात?

डॉक्टर म्हणतात की डोळे येण्याच्या आजाराची लक्षणे दिसताच, संबंधित व्यक्तीने नेत्ररोगतज्ज्ञांची भेट घेतली पाहिजे. या आजाराच्या सामान्य लक्षणांमध्ये डोळे लाल होणे, खाज सुटणे, अश्रू येणे यांचा समावेश होतो. डोळ्याभोवती स्त्राव किंवा कवच देखील असू शकते. जर डॉक्टरांना वाटत असेल की हा डोळ्यांच्या बुबुळाच्या पुढील भागाचा होणारा दाह आहे, तर डॉक्टर अँटीबायोटिक आय ड्रॉप्स लिहून देऊ शकतात.

डोळ्यांचा संसर्ग झाल्यास काय करावे?

डोळ्यांच्या आरोग्याकडे अनेकदा दुर्लक्ष केले जाते. मात्र, पावसाळ्यात डोळ्यांचे आरोग्य राखण्यासाठी छोटी पावले उचलणे आवश्यक आहे. डॉक्टर म्हणतात की पहिली पायरी म्हणजे तुमच्या डोळ्यांना वारंवार स्पर्श करणे टाळावे, विशेषतः जर तुमचे हात व्यवस्थित धुतलेले नसतील तर.

डोळे येणे हा आजार सामान्यतः स्वतःच बरा होतो परंतु या काळात डोळे स्वच्छ ठेवले पाहिजेत आणि कॉन्टॅक्ट लेन्स न घालणे आवश्यक आहे. संसर्ग पसरू नये म्हणून घरातील इतर सर्व सदस्यांनी आपले हात नियमितपणे धुवावेत आणि संक्रमित व्यक्तीनेही तेच करावे.

वाचा >> Lok Sabha 2024 : सत्तेच्या ‘हॅटट्रिक’साठी खास स्ट्रेटजी! 338 खासदारांच्या 10 टीम, मोदी बघणार रिपोर्ट

जर तुमचे डोळे कोरडे वाटत असतील तर ल्युब्रिकेटिंग करणारे आय ड्रॉप्स वापरावेत. घरातील पाणी साचलेली जागा किंवा डबके हे जीवाणूंचे प्रजनन स्थळ असू शकतात आणि जर मुले त्यात खेळत असतील तर त्यांचे डोळे नंतर बॅक्टेरियाविरोधी वाइप्सने स्वच्छ करणे महत्त्वाचे आहे अन्यथा डोळे जीवाणूंच्या संपर्कात येऊ शकतात.