PAN-Aadhaar लिंक करण्याची शेवटची संधी, आता वेळ दवडू नका, पाहा कसं करता येणार लिंक

यामुळे आता वेळ न दवडता पॅन-आधार लिंक करा. कारण आता या गोष्टीकडे दुर्लक्ष केल्यास आपल्याला भुर्दंड बसण्याची दाट शक्यता आहे.

कोरोना साथीच्या आजारामुळे उद्भवणार्‍या अडचणी लक्षात घेता केंद्र सरकारने पॅन कार्डशी आधार कार्ड लिंक करण्याची अंतिम तारीख 31 मार्च 2021 ऐवजी 30 जून 2021 केली आहे.

कोरोना संकटामुळे किंवा इतर कोणत्याही कारणास्तव आपण आपले पॅन कार्ड आधार कार्डशी लिंक करू शकला नाही तर आपल्यासाठी दिलासा देणारी ही बातमी आहे. पॅनकार्ड आधार कार्डशी जोडण्यासाठी आणखी 3 महिन्यांची मुदतवाढ देऊन केंद्र सरकारने 30 जून ही आता अंतिम तारीख दिली आहे.

साइट झाली होती क्रॅश

पूर्व-निर्धारित अंतिम मुदतीनुसार पॅनकार्ड आणि आधार कार्ड लिंक करण्याची 31 मार्च ही शेवटची तारीख होती आणि यामुळे आयकर वेबसाइटवर मोठ्या संख्येने लोकांनी व्हिझिट केलं होतं. त्यामुळे ही साइट बर्‍याच वेळा क्रॅश झाली.

मोठ्या संख्येने लोक अचानक त्या साइटवर आल्याने इन्कम टॅक्स विभागाची साइट क्रॅश झाली होती. संध्याकाळपर्यंत सतत ही वेबसाइट क्रॅश होत असल्याने लोकांना आपलं पॅनकार्ड आधारशी लिंक करता येत नव्हतं. त्यामुळे अनेकांनी सोशल मीडियावरुन याबाबतची तक्रार केली होती. त्यामुळे अगदी शेवटच्या क्षणी सरकारने पॅनकार्ड लिंक करण्याची तारीख वाढवली.

Budget : महिलांच्या नावे घराची नोंदणी झाल्यास मुद्रांक शुल्कात सुट

पाहा पॅनकार्ड आधारशी कसं लिंक कराल:

• सगळ्यात आधी इन्कम टॅक्सच्या वेबसाइट incometaxindiaefiling.gov.in वर आपल्याला जावं लागेल.

• येथे डाव्या बाजूला तुम्हाला आधार लिंकचा पर्याय दिसेल..

• यानंतर एक नवं पेज सुरु होईल, ज्याच्यावर लाल रंगामध्ये लिहलं असेल Click here

• जर आपण आधीच आपलं पॅन आणि आधार लिंक केलं असेल तर याच्या स्टेट्सवर क्लिक करुन व्हेरिफाय देखील करु शकता.

• जर आपलं पॅनकार्ड हे आधारशी लिंक झालं नसेल तर Click here च्या खाली दिलेल्या बॉक्समध्ये पॅन, आधार नंबर, आपलं नाव आणि दिलेला कॅप्चा कोड अशी माहिती भरावी लागेले.

• यानंतर Link Aadhaar या बटणावर आपल्याला क्लिक करावं लागेल. यासोबतच लिंकिंगची प्रक्रिया पूर्ण होईल.

PAN-Aadhaar लिंक करण्याचा शेवटचा दिवस, उद्यापासून 1000 रुपये दंड; पॅनकार्ड असं करा लिंक!

मोबाइलवरून SMS पाठवूनही लिंक करू शकता पॅनकार्ड

• याशिवाय आपण 567678 किंवा 56161 या क्रमांकावर SMS पाठवून देखील आधारशी पॅनकार्ड लिंकिंगचं आपलं स्टेट्स काय आहे त्याची माहिती घेऊ शकता.

• उदाहरणार्थ: UIDPAN टाइप कर आपल्याला एसएमएस करावा लागेल.