शिवसेनेच्या ‘रडार’वर आलेल्या सोमय्यांची फडणवीसांनी घेतली भेट; सोमय्यांनी लगेच केलं ट्वीट
भाजप आणि शिवसेनेत सुरू असलेल्या राजकीय धुमश्चक्रीमुळे राज्यातील राजकारण ढवळून निघालं आहे. भाजपचे नेते किरीट सोमय्या यांनी मुख्यमंत्री उद्धव ठाकरे, संजय राऊत यांच्यासह शिवसेनेच्या अनेक नेत्यांवर भ्रष्टाचाराचे गंभीर आरोप केले. त्यानंतर आता शिवसेनेनं सोमय्यांविरुद्ध मोर्चा उघडला आहे. गेल्या दोन-तीन दिवसांपासून किरीट सोमय्या शिवसेनेच्या रडारवर आल्याचं दिसत आहे. त्यातच आता विरोधी पक्षनेते देवेंद्र फडणवीस यांनी सोमय्यांची […]
ADVERTISEMENT
भाजप आणि शिवसेनेत सुरू असलेल्या राजकीय धुमश्चक्रीमुळे राज्यातील राजकारण ढवळून निघालं आहे. भाजपचे नेते किरीट सोमय्या यांनी मुख्यमंत्री उद्धव ठाकरे, संजय राऊत यांच्यासह शिवसेनेच्या अनेक नेत्यांवर भ्रष्टाचाराचे गंभीर आरोप केले. त्यानंतर आता शिवसेनेनं सोमय्यांविरुद्ध मोर्चा उघडला आहे. गेल्या दोन-तीन दिवसांपासून किरीट सोमय्या शिवसेनेच्या रडारवर आल्याचं दिसत आहे. त्यातच आता विरोधी पक्षनेते देवेंद्र फडणवीस यांनी सोमय्यांची घरी जाऊन भेट घेतली. या भेटीनंतर सोमय्यांनी ट्वीट करत ठाकरे सरकारला गर्भित इशारा दिला आहे. (Devendra Fadnavis met Kirit Somaiya)
भाजपचे नेते किरीट सोमय्या यांच्याकडून मुख्यमंत्री तथा शिवसेनेचे पक्षप्रमुख उद्धव ठाकरे, रश्मी ठाकरे, संजय राऊत, अनिल परब यांच्यासह शिवसेनेच्या काही नेत्यांवर सातत्याने आरोप केले जात आहे. काही नेत्यांना तुरूंगात जावं लागणार असंही सोमय्यांकडून सातत्यानं बोललं जात आहे. सोमय्यांकडून केलेल्या जाणाऱ्या आरोपांविरुद्ध गेल्या काही दिवसांपासून शिवसेनेनंही आघाडी उघडली आहे.
शिवसेनेचे खासदार संजय राऊत यांनी शिवसेना भवनात पत्रकार परिषद घेत किरीट सोमय्यांच्या आरोपांना उत्तर दिलं. त्याचबरोबर सोमय्यांच्या मुलाचं नावं घेत आर्थिक गैरव्यवहाराचे गंभीर आरोपही केले. त्यानंतर आजही संजय राऊत यांनी एक ट्वीट करत सोमय्यांना 260 कोटींच्या प्रोजेक्टबद्दल प्रश्न विचारला आहे. शिवसेनं सोमय्यांविरुद्ध अचानक आक्रमक पवित्रा घेतला आहे. दरम्यान, शनिवारी सायंकाळी माजी मुख्यमंत्री तथा विरोधी पक्षनेते देवेंद्र फडणवीस यांनी किरीट सोमय्यांची भेट घेतली. विशेष म्हणजे फडणवीसांनी घरी सोमय्यांची भेट घेतल्यानं तर्कविर्तकांना उधाण आलं आहे.
