उदे ग अंबे उदे…कोल्हापूरात किरणोत्सवाला सुरुवात

करवीर निवासिनी श्री अंबाबाई हे महाराष्ट्राचं आराध्य दैवत मानलं जातं.

यंदाच्या वर्षातल्या किरणोत्सवाला सुरुवात झाली आहे.

गेल्या काही वर्षात किरणोत्सवाच्या आधीचा एक दिवस आणि नंतरचा एक दिवस असा पाच दिवसांचा किरणोत्सव गृहीत धरला जात होता.

यंदाच्या वर्षात रविवारी मावळच्या सूर्याची किरणं देवीच्या गाभाऱ्यापर्यंत पोहचली आणि या किरणोत्सवाला सुरुवात झाली.

सूर्य मावळतीला जाताना येणाऱ्या या किरणांमुळे देवीच्या मुर्तीला एक वेगळीच झळाळी प्राप्त होते.

सोनसळी किरणांनी उजळलेलं देवीचं रूप पाहण्यासाठी, भाविकांनी मंदिरात गर्दी केली होती.

निरभ्र आकाश आणि सूर्याच्या तेजस्वी किरणांमुळं, यंदाचा किरणोत्सव पूर्ण क्षमतेनं होईल, असा अंदाज देवस्थान समिती आणि मंदिर अभ्यासकांनी व्यक्त केलाय.