मोठी बातमी: मनसुख हिरेन हत्या प्रकरणाचा तपासही NIA कडे, ATS ला धक्का
मुंबई: अँटेलिया संशयित कार प्रकरणी अटकेत असलेले निलंबित पोलीस अधिकारी सचिन वाझे यांच्या अडचणीत आता आणखी वाढ होणार आहे. कारण याच केसशी निगडीत असणाऱ्या मनसुख हिरेन यांच्या हत्या प्रकरणाचा तपास आता एनआयएकडे सोपविण्यात आला आहे. यापूर्वी या प्रकरणाचा तपास महाराष्ट्र एटीएसकडे होता. मात्र याप्रकरणी एटीएसला फार गती मिळाली नसल्याने आता हा तपास एनआयएकडे सोपविण्यात आला […]
ADVERTISEMENT
मुंबई: अँटेलिया संशयित कार प्रकरणी अटकेत असलेले निलंबित पोलीस अधिकारी सचिन वाझे यांच्या अडचणीत आता आणखी वाढ होणार आहे. कारण याच केसशी निगडीत असणाऱ्या मनसुख हिरेन यांच्या हत्या प्रकरणाचा तपास आता एनआयएकडे सोपविण्यात आला आहे. यापूर्वी या प्रकरणाचा तपास महाराष्ट्र एटीएसकडे होता. मात्र याप्रकरणी एटीएसला फार गती मिळाली नसल्याने आता हा तपास एनआयएकडे सोपविण्यात आला असल्याचं समजतं आहे.
दरम्यान, मनसुख हिरेन हत्या प्रकरण NIAकडे हस्तांतरित करण्याबाबतची अधिसूचना देखील जारी झाली आहे. एनआयएच्या प्रवक्त्याने या संदर्भातील आदेश प्राप्त झाल्याच्या वृत्ताला दुजोरा दिला आहे.
सुरुवातीला संशयित स्कॉर्पिओ कारमध्ये जिलेटीनच्या कांड्या सापडल्याने त्या प्रकरणाचा तपास एनआयएकडे सोपविण्यात आला होता. त्यानंतर एनआयएने चौकशीअंती पोलीस अधिकारी सचिन वाझे यांना अटक केली होती. दुसरीकडे याचसंबंधी मनसुख हिरेन प्रकरणाचा तपास हा महाराष्ट्र एटीएस करत होता. पण आता या प्रकरणी एनआयए तपास करणार आहे.
Sachin Vaze आणि मनसुख हिरेन १७ फेब्रुवारीला भेटले, सीसीटीव्ही फुटेज समोर