मुंबईतल्या चाकरमान्यांसाठी रेल्वेचा मोठा निर्णय

मध्य आणि पश्चिम रेल्वेने शुक्रवारपासून लोकल सेवेत वाढ करण्याचा निर्णय घेतलाय. या निर्णयानुसार, आता मध्य रेल्वेच्या लोकल सेवांमध्ये वाढ होणार आहे. सध्या दिवसभरात मध्य रेल्वेच्या १५८० लोकल धावत आहेत. त्या वाढून आता १६५० करण्यात येणार आहेत. तसंच पश्चिम रेल्वेच्या लोकल सेवाही सध्याच्या १२०१ वरून वाढवून १३०० करण्यात येणार आहे.

लोकल सेवांमध्ये वाढ करण्यात येणार असली तरी सध्या याचा लाभ मात्र केवळ अत्यावश्यक सेवेतल्या लोकांनाच मिळणार आहे, असं रेल्वे अधिकाऱ्यांनी स्पष्ट केलं. पण काही दिवसांपूर्वीच मुख्यमंत्री उद्धव ठाकरे यांनी लवकरच सर्वसामान्यांसाठी लोकल प्रवास सुरू करण्याचे संकेत दिले होते. या पार्श्वभूमीवर मध्य आणि पश्चिम रेल्वेचा हा निर्णय आलाय.