दुःख शब्दात व्यक्त करता येणार नाही; राजीव सातव यांच्या निधनानंतर रितेश देशमुख भावूक

अभिनेता रितेश देशमुख त्याच्या ट्विटमध्ये म्हणाला, “राजीव सातव यांच्या निधनाची बातमी अतिशय धक्कादायक आहे. या घटनेने मला अतिशय दु:ख झालं आहे. हे दुःख शब्दात व्यक्तही करता येणार नाही. सातव यांचं नेतृत्व तरुण आणि स्फोटक होतं, मोठं राजकीय करिअर त्यांच्यासमोर उभं होतं. त्यांना माझ्याकडून भावपूर्ण श्रद्धांजली. त्यांच्या कुटुंबीयांना हे दु:ख सहन करण्याच ताकद मिळो.”

Am shocked beyond words and deeply saddened to learn that #RajeevSatav is no more. He was a young and dynamic leader with a great political future ahead of him. My deepest condolences to his family and loved ones- May god give them strength to brave this loss. pic.twitter.com/qS920tXTvF

— Riteish Deshmukh (@Riteishd) May 16, 2021

कोरोनाची लागण झाल्याने राजीव सातव यांना तब्बल 23 दिवस व्हेंटिलेटरवर ठेवण्यात आलं होतं. राजीव सातव यांना एप्रिलमध्ये कोरोनाची लागण झाली होती. 22 एप्रिलला त्यांचा कोरोना चाचणीचा रिपोर्ट पॉझिटिव्ह आला होता.

त्यानंतर तीन दिवसांनी म्हणजे 25 एप्रिलला त्यांना अधिक त्रास जाणवू लागल्याने पुण्यातील जहाँगीर सुपरस्पेशलिटी हॉस्पिटलमधीले आयसीयूमध्ये भरती करण्यात आलं होतं. तसेच तेव्हापासून त्यांच्यावर आवश्यकतेनुसार सर्व उपचार करण्यात येत होते. मात्र, काल त्यांच्या प्रकृतीत अचानक बिघाड झाला आणि त्यातच त्यांचं निधन झालं.