सातारा : ‘आम्ही कधी कुणाची घरं फोडली नाहीत’; उदयनराजेंचा शिवेंद्रराजेंवर पलटवार

नारळ फोडी गँग असं म्हणत आमदार शिवेंद्रसिंहराजे भोसले यांनी खासदार उदयनराजे भोसले यांच्यावर टीका केली होती. शिवेंद्रसिंहराजेंनी केलेल्या टीकेवरून आता उदयनराजे भोसले यांनी पलटवार केला आहे. नारळफोडी गँग म्हटलं जातंय. हो, आम्ही आहोत आणि सार्थ अभिमान आहे. कारण आम्ही काम करतो’, असं म्हणत उद्यनराजे भोसले यांनी टीकेला प्रत्युत्तर दिलं आहे.

साताऱ्यात कास पाईपलाईन उद्घाटन कार्यक्रम खासदार उदयनराजे भोसले यांच्याहस्ते पार पडला. यावेळी बोलताना खासदार उदयनराजे भोसले यांनी आमदार शिवेंद्रराजे भोसले यांनी केलेल्या टीकेचा समाचार घेतला. ‘लहान मुलं परवडली. वय वाढलं पण बुद्धी लहान मुलांपेक्षाही कमी होत गेली. मग नारळ फोडी गँग. हो, सार्थ अभिमान आहे. का? तर आम्ही काम करतो. लोकांच्या हिताची कामं करतो. लोकांनी जो विश्वास आमच्याबद्दल दर्शवलाय, त्याला पात्र राहणं आमचं कर्तव्य आहे. त्याच हिशोबाने आम्ही आजपर्यंत वाटचाल केली आहे”, असं उदयनराजे म्हणाले.

‘लोटांगण घाला, पण नगरपालिकेला लोळवायची वेळ आनु नका’, शिवेंद्रराजे भोसलेंचं उदयनराजेंना प्रत्युत्तर