पुढच्या दोन दिवसात कोल्हापुरात लागणार कठोर लॉकडाऊन-हसन मुश्रीफ

आणखी काय म्हणाले हसन मुश्रीफ?

सांगली, सातारा, बारामती या ठिकाणीही लॉकडाऊन झाला आहे. आपल्याकडे लॉकडाऊन झाला नाही त्याचा फटका आपल्याला असा बसला आहे की आपल्याकडे रूग्ण वाढू लागले आहेत. ऑक्सिजनची आवश्यकता असलेले रूग्ण वाढू लागले आहेत. तरूण मुलांचा मृत्यू होऊ लागला आहे. ही बाब अत्यंत गंभीर आहे, लक्षणं दिसल्यानंतर तातडीने चाचणी करून घ्या. कोरोना हा गंभीर आजार आहे अंगावर काढण्याचा आजार नाही हे सगळ्यांना मी पुन्हा सांगतो आहे.

Corona मुक्त झाल्यानंतर टूथब्रश बदललाच पाहिजे, का? जाणून घ्या

केंद्र सरकारने निर्णय घेतला आहे की लक्षणं दिसत असतील तरीही रूग्णाला अॅडमिट करून घ्या असं या निर्णयानुसार स्पष्ट झालं आहे. RTPCR चाचणीचा अहवाल दाखवण्याचीही गरज नसणार आहे. त्यामुळे कोरोनाची लक्षणं असतील तरीही तातडीने रूग्णालयांमध्ये उपचार घेण्यासाठी दाखल व्हा. उपचारांसाठी दुर्लक्ष करू नका.

आज कोल्हापुरात पालकमंत्री नाहीत, त्यामुळे येत्या दोन दिवसात आपण लॉकडाऊन करणार आहोत. हा लॉकडाऊन कठोर असणार आहे. मेडिकल आणि दूधसेवा वगळून बाकी सगळ्या सेवा बंद करणार आहोत हा निर्णय किमान 10 ते 14 दिवसांसाठी केला जाणार आहे. सध्या बेड नाहीत, आयसीयू बेड नाहीत, औषधं नाहीत, रेमडेसिवीर इंजेक्शनचाही तुटवडा आहे त्यामुळे लॉकडाऊनचा निर्णय हा घ्यावाच लागणार आहे असंही मुश्रीफ यांनी स्पष्ट केलं.