देशाच्या अन्नदात्याने सत्याग्रह करून अहंकारी सरकारला झुकवलं-राहुल गांधी

केंद्र सरकारने आज कृषी कायदे रद्द केल्याची घोषणा केली. पंतप्रधान नरेंद्र मोदी यांनी आज जनतेशी संवाद साधला. त्या दरम्यान ही महत्त्वाची घोषणा केली तसंच येत्या हिवाळी अधिवेशनात हे कायदे संसदेतही रद्द करण्याची प्रक्रिया पार पडेल असंही त्यांनी सांगितलं. अशात आता विविध प्रतिक्रिया समोर येताना दिसत आहेत. काँग्रेस खासदार आणि काँग्रेसचे माजी अध्यक्ष राहुल गांधी यांनी आपलं एक जुनं ट्विट शेअर करत पंतप्रधान नरेंद्र मोदींच्या या निर्णयावर प्रतिक्रिया दिली आहे.