आजी-माजी एकत्रित आले तर भावी सहकारी; मुख्यमंत्र्यांची टोलेबाजी, भाजपला खुणावलं

मराठवाडा मुक्तीसंग्राम दिनानिमित्त मुख्यमंत्री उद्धव ठाकरे आज औरंगाबादच्या दौऱ्यावर आहेत. सकाळी शहरातील सिद्धार्थ उद्यानात असलेल्या हुतात्मा स्मारकाला अभिवादन करुन ध्वजारोहण केल्यानंतर मुख्यमंत्र्यांनी जिल्हा परिषद इमारतीच्या अनावरण कार्यक्रमाला हजेरी लावली.

या कार्यक्रमाला केंद्रीय रेल्वे राज्यमंत्री रावसाहेब दानवे, पालकमंत्री सुभाष देसाई, राज्यमंत्री अब्दुल सत्तार, औरंगाबादचे खासदार इम्तियाज जलील यांच्यासह मान्यवर उपस्थित होते. या कार्यक्रमात बोलताना रावसाहेब दानवे यांनी नेहमीच्या शैलीत टोलेबाजी केली.

दानवे यांच्यानंतर मुख्यमंत्री उद्धव ठाकरे यांचं भाषण झालं. यावेळी त्यांनी दानवे यांच्या मुंबई-नागपूर मेट्रो प्रकल्पाबद्दल भाष्य केलं.