मुंबई : विलेपार्लेतील ते झाड का तोडण्यात आलं?; पोलिसांनी ताब्यात घेतलेली ‘ती’ व्यक्ती कोण?

नेमकं प्रकरण काय?

मिळालेल्या माहितीनुसार मुंबईतील विलेपार्ले परिसरात असलेला एक १०० वर्ष जुना वृक्ष तोडण्यात येत होता. वृक्षतोड सुरू असताना पर्यावरण प्रेमी अभय आझाद याला विरोध केला. त्याचबरोबर झाड तोडण्याच्या परवानगीबद्दल अधिकाऱ्यांना प्रश्न विचारले. त्यानंतर पोलीस झाड तोडण्यास विरोध करत असलेल्या अभय आझाद यांना बळजबरीने गाडीत बसवून घेऊन गेले. त्यांच्याविरोधात गुन्हा दाखल केल्याचं सांगितलं जात आहे.

So a resident of Mumbai asks for valid documents while the BMC is cutting trees in the city ( just exercising his right) and the @MumbaiPolice aggressively attacks the man, and puts him the in the van for asking basic questions. Video from Ville Parle. pic.twitter.com/S3rELIVUJs

— Hrushikesh (@Reashiee) January 22, 2022

घटनेबद्दल अभय आझाद यांनी त्यांचं म्हणणं मांडलं आहे. ‘राज्य सरकारने ५० वर्षापूर्वीची झाड वारसा वृक्ष म्हणून घोषित केली आहेत. हा तर १०० वर्षापूर्वीचा वृक्ष आहे. याचपद्धतीने झाडं तोडली गेली, तर वारसाच शिल्लक राहणार नाही.

मुंबई महापालिकेनं काय म्हटलंय?

व्हिडीओ व्हायरल झाल्यानंतर हे प्रकरण चर्चेत आलं. यावर बृहन्मुंबई महापालिकेनंही भूमिका स्पष्ट केली आहे. पश्चिम रेल्वेच्या सहाव्या कॉरिडॉरच्या विस्तारीकरणाची योजना आहे. त्यासाठी आझाद रोडचा एक भाग रेल्वेला देण्यात आला आहे. त्यामुळे रस्ता लहान झाला असून, वाहतुकीवरही परिणाम झाला आहे. रस्त्याचं विस्तारीकरण करण्यासाठी झाड हटवणं आवश्यक होतं आणि योग्य निर्देश देण्यात आलेले होते’, असं महापालिकेनं म्हटलं आहे.

The widening of 6th corridor of Western Railways is an important project, for which a portion of Azad Road was acquiesced to them.
The remaining road hence became narrow, affecting vehicular movement
The removal of tree is vital to the widening of road & due sanctions were issued https://t.co/Kbpj0OO3we

— माझी Mumbai, आपली BMC (@mybmc) January 22, 2022

शिवसेनेवर टीका

राज्यात देवेंद्र फडणवीस यांच्या नेतृत्वाखालील भाजप-शिवसेनेचं सरकार असताना मुंबईतील आरे कॉलनीत मेट्रो-३ कारशेडसाठी वृक्षतोड केली जात होती. त्यावेळी शिवसेनेनं वृक्षतोडीला विरोध केला होता. आता तोच धागा पकडत शिवसेनेच्या दुहेरी भूमिकेवरही टीका केली जाऊ लागली आहे.