मुकेश अंबानींना मागे टाकून गौतम अदानी होणार सर्वात श्रीमंत भारतीय व्यावसायिक?

मुकेश अंबानी आणि गौतम अदानी या दोघांच्या संपत्तीत फक्त 8.7 बिलियन डॉलर्सचा फरक आहे. त्यामुळे ही चर्चा आता व्यवसाय क्षेत्रात चांगलीच रंगली आहे. एवढंच नाही तर जगातल्या सर्वात श्रीमंत व्यक्तींच्या स्थानी मुकेश अंबानी हे 13 व्या स्थानी आहेत आणि त्यांच्या पाठोपाठ 14 व्या स्थानावर गौतम अदानी यांनी झेप घेतली आहे. त्यामुळे आता गौतम अदानी हे आता पहिल्या स्थानावर येण्यास तयार आहेत हे जवळपास निश्चित झालं आहे असं म्हटल्यास मुळीच वावगं ठरणार नाही.

Bloomberg Billionaires index नुसार सोमवारी रिलायन्स इंडस्ट्रीजचे शेअर्स पडले. त्यामुळे मुकेश अंबानी यांना नेटवर्थ 55.4 कोटी डॉलर्सनी कमी होऊन 76.5 अरब डॉलर झाली. दुसरीकडे अदानी ग्रुपच्या दोन कंपन्यांना शेअर्समध्ये सोमवारी तेजी पाहण्यास मिळाली त्यामुळे अदानी यांना 1.28 अरब डॉलर्सने वाढून 70.2 अरब डॉलर्स पर्यंत पोहचली. त्यामुळे आता या दोघांच्याही नेटवर्थमध्ये 8.7 बिलियन डॉलर्सचा फरक राहिला आहे.

अदानी ग्रुपच्या ज्या कंपन्या आहेत त्यांच्या शेअर्समध्ये यावर्षी उसळी पाहण्यास मिळाली आहे. त्यामुळे यावर्षी अदानी यांच्या नेटवर्थमध्ये 36.5 अरब डॉलर्सची भर पडली आहे. याचाच अर्थ त्यांच्या एकूण नेटवर्थच्या अर्ध्याहून जास्त कमाई यावर्षी झाली आहे. अदानी हे यावर्षी फ्रान्सच्या बर्नार्ड आरनॉल्ट यांना वगळता बाकी सगळ्या श्रीमंतांना कमाईच्या बाबतीत सरस ठरले आहेत.

अदानी समूहातील जवळपास सर्वच लिस्टेट कंपन्यांचे बाजारमूल्य चालू वर्षात थेट 50 टक्क्यांपर्यंत झेपावले आहे. समूह वीज, खनिजकर्म, वायू, बंदर, विमानतळ अशा विविध क्षेत्रात कार्यरत आहे. अदानी समूहाने गेल्या वर्षी 2020 मध्ये मालमत्तेतील तब्बल 500 टक्क्यांहून जास्त वाढ नोंदवली होती. पैकी सर्वाधिक 18 अब्ज डॉलर मालमत्ता अदानी ग्रीन एनर्जी कंपनीची आहे. अदानी टोटल गॅसचे मूल्य सर्वाधिक, 97 टक्क्यांनी वाढले आहे. तर मुख्य प्रवर्तक अदानी एंटरप्राइजेस 87 टक्क्यांनी वाढला. अदानी एनर्जी ग्रीनचे मूल्य तूर्त 10 टक्क्यांनी वाढले आहे.