गोव्यात ‘सनबर्न फेस्टिव्हल’वरून राजकीय गदारोळ; मुख्यमंत्र्यांवर विरोधकांचा निशाणा!

Goa Sun Burn Festival : लोकसभा निवडणुकीपूर्वी (Loksabha Election) गोव्यात काँग्रेस (Congress) आणि आप या विरोधी पक्षांनी एकजूट दाखवून मुख्यमंत्री प्रमोद सावंत (Goa CM Pramod Sawant) आणि सरकारवर निशाणा साधला आहे. गोवा आपचे (Goa AAP) प्रमुख अमित पालेकर यांनी गोवा सरकारवर आरोप करत म्हटलं आहे की, ‘सनबर्न आयोजक सांगत होते की, गोव्यातील हा त्यांचा या वर्षीचा शेवटचा कार्यक्रम होता. (Goa Sun burn Festival Congress and aap party slams on CM Pramod Sawand and government)

पण प्रत्यक्षात गोवा सरकारने सनबर्नला नेहमीच चुकीच्या पद्धतीने पाठिंबा दिला आहे. त्याबदल्यात गोव्याचे फक्त नुकसान झाले आहे. गोव्यात चांगले पर्यटक आणण्याऐवजी सनबर्नमधून येणाऱ्या पर्यटकांनी गोव्याची बदनामी केली आहे.’

वाचा : मुख्यमंत्री आदित्यनाथ यांना जीवे मारण्याची धमकी, ठाण्यातून आरोपीला ठोकल्या बेड्या

विरोधकांचा गोवा सरकारवर जोरदार हल्लाबोल

गोवा आम आदमी पक्षाचे प्रमुख अमित पालेकर म्हणाले, ‘गोवा सरकार सनबर्न फेस्टिव्हलला राज्य महोत्सव म्हणून प्रोत्साहन देत आहे. फेस्टिव्हलमध्ये पर्यटक हातात दारूच्या बाटल्या घेऊन नाचत असताना भगवान शंकराचे व्हिडीओ आणि गाणी वाजवली जातात. यामुळे हिंदूंच्या भावना स्पष्टपणे दुखावल्या गेल्या आहेत. तेव्हा आम्ही तातडीने कारवाईची विनंती केली होती, मात्र हिंदूंचे हितचिंतक म्हणवणाऱ्या राज्य सरकारने या प्रकरणात काहीही केले नाही. खरोखरच हे दुर्दैवी आहे.’