इंग्लंडविरुद्ध मॅचसाठी BCCI मोदी, शहांना आमंत्रण देणार?

लॉकडाउनपश्चात भारतात क्रिकेटला सुरुवात झाल्यानंतर फॅन्सना मॅच पाहण्यासाठी मैदानावर संधी देण्याची ही पहिलीच वेळ ठरु शकते. चेन्नईच्या मैदानावर खेळवण्यात येणाऱ्या दोन्ही टेस्ट मात्र प्रेक्षकांविनाच खेळवल्या जाणार आहेत.

नव्याने बांधण्यात आलेलं मोटेरा मैदान हे आंतरराष्ट्रीय क्रिकेटमधलं सर्वात मोठं मैदान आहे. १ लाख १० हजार एवढी या मैदानाची प्रेक्षकसंख्या असणार आहे. या मॅचसाठी बीसीसीआयने पंतप्रधान नरेंद्र मोदी, भाजपा अध्यक्ष जे.पी.नड्डा, केंद्रीय क्रीडामंत्री किरेन रिजीजू, गृहमंत्री अमित शहा यांनाही निमंत्रण दिल्याचं कळतंय. दोन टेस्ट मॅच व्यतिरीक्त या मैदानावर ५ टी-२० सामन्यांची सिरीज खेळवली जाणार आहे.