मराठमोळ्या स्मृती मंधानाच्या शिरपेचात मानाचा तुरा, मिळाला महत्वाचा ICC पुरस्कार

२०२१ मध्ये भारतीय महिला संघाची कामगिरी फारशी उल्लेखनीय नसली तरीही भारतीय संघाने मिळवलेल्या विजयात स्मृतीने मोलाची भूमिका बजावली आहे. घरच्या मैदानावर दक्षिण आफ्रिकेविरुद्ध मालिकेत भारतीय संघाने मिळवलेल्या दोन विजयांमध्ये स्मृतीने नाबाद ८० आणि ४८ धावांची खेळी केली होती.

A year to remember ?

Smriti Mandhana's quality at the top of the order was on full display in 2021 ?

More on her exploits ? https://t.co/QI8Blxf0O5 pic.twitter.com/3jRjuzIxiT

— ICC (@ICC) January 24, 2022

याव्यतिरीक्त इंग्लंडविरुद्ध पहिल्या कसोटी सामन्यात स्मृतीने पहिल्या डावात ७८ धावांची इनिंग खेळली होती. हा कसोटी सामना अनिर्णित राहिला होता. तसेच वन-डे आणि टी-२० मालिकेतही स्मृतीने आपल्या फलंदाजीची चमक दाखवत आपलं नाणं खणखणीत वाजवून दाखवलं होतं. ऑस्ट्रेलियाविरुद्ध मालिकेत स्मृती चांगल्या फॉर्मात होती. दुसऱ्या वन-डे सामन्यात ८६ धावा तर एकमेव कसोटी सामन्यात स्मृतीने शतक झळकावलं होतं.

याचसोबत भारतीय महिला संघाच्या पहिल्या दिवस-रात्र कसोटी सामन्यातही स्मृतीने शतक झळकावलं होतं. या कामगिरीसाठीच तिची मानाच्या पुरस्कारासाठी निवड झाल्याचं कळतंय.