शनि आणि चंद्राच्या संयोजनाने 'या' राशींना निर्माण होणार धोका, काय सांगतं राशीभविष्य?

ज्योतिषशास्त्रानुसार, ग्रहांच्या हालचालीमुळे शुभ आणि अशुभ योग निर्माण होणार आहे, याचा मानवी आणि जागतिक घटकांवर मोठा प्रभाव पडणार आहे. यामुळे विष योग नावाचा दुर्मिळ आणि अशुभ योग तयार होईल. कुंभ राशीत शनि ग्रह आणि चंद्राच्या युतीमुळे 30 वर्षानंतर हा योग निर्माण होत आहे. 

ज्योतिषांच्या मते, शनि सध्या मीन राशीत भ्रमण करत आहे.चंद्र देखील मीन राशीत प्रवेश करणार आहे. या युतीमुळे निर्माण होणारा विष योग हा काही राशींसाठी अडचणी निर्माण करू शकतो. अशातच कोणत्या राशींनी सावधानता बाळगण्याची आवश्यकता आहे आणि त्याचा संभाव्य परिणाम काय असू शकतो ते जाणून घेऊयात. 
 

मेष राशी : 

मेष राशीसाठी हा काळ आव्हानात्मक असू शकतो. कुंडलीच्या बाराव्या घरात विष योग तयार होत आहे. या काळात अनावश्यक खर्च वाढण्याची शक्यता आहे. व्यवसायात भागीदारी असलेल्यांना नुकसान होण्याची शक्यता आहे. 
 

मीन राशी : 

मीन राशीच्या लोकांसाठी, त्यांच्या राशीच्या पहिल्या घरात विष योग निर्माण होईल, व्यक्तिमत्व आणि आरोग्याशी संबंधित आहे. या काळात, तुम्हाला आर्थिक बाबींमध्ये सावधातना बाळगावी लागेल. पैसे उधार देताना विचारपूर्वक द्यावा, असे ज्योतिषशास्त्र सांगतं. 

सिंह राशी : 

सिंह राशीसाठी, आठव्या घरात विष योग निर्माण होईल, जो रहस्य, आरोग्य आणि जोखीम यांच्याशी संबंधित आहे. याच काळात, जुना आजार पुन्हा उद्भवण्याची शक्यता आहे. तुमच्या सामाजिक प्रतिष्ठेवरही परिणाम होण्याची शक्यता आहे.