Hamas Israel : पॉर्न स्टार मिया खलिफाची संघर्षात उडी, हमासबद्दल काय बोलली?

Mia Khalifa Israel-Palestine Conflict : युद्धाचे परिणाम भयानक असतात. याचे दुष्परिणाम सर्वसामान्यांना भोगावे लागत आहेत. पण रानटी दहशतवादी संघटना हमासच्या लढवय्यांचा याच्याशी काहीही संबंध नाही. त्यांनी इस्रायलवर हल्ला केला आहे, ज्यामध्ये आतापर्यंत 700 हून अधिक लोकांचा मृत्यू झाला आहे. असे अनेक व्हिडिओ इंटरनेटवर व्हायरल झाले आहेत, ज्यात हमासचे दहशतवाद्यांची क्रूरता दिसून येत आहे.

पॅलेस्टाईन आणि हमासवर सर्वत्र टीका होत असताना, उघडपणे हमासला पाठिंबा देणार्‍या आणि त्यांच्या काळ्या कृत्यांचे समर्थन करणार्‍यांची कमी नाही. पॉर्न स्टार मिया खलिफा अशाच लोकांपैकी एक आहे.

मिया खलिफा इस्रायल-पॅलेस्टाईनबद्दल काय बोलली?

मिया खलिफाने पॅलेस्टाईनच्या बाजूने सतत ट्विट करत आहे आणि इस्त्रायल कसा पॅलेस्टाईनमधील लहान मुले, वृद्ध लोक आणि महिलांवर सतत अत्याचार करत आहे आणि त्यांना लक्ष्य करत आहे, याबद्दल बोलत आहे.

हेही वाचा >> इस्रायलला नष्ट करण्याचा डाव, निष्पाप जीवांचा क्रूर छळ… ‘हमास’चा इतिहास काय?

पॅलेस्टाईनच्या समर्थनार्थ मियाने एक व्हिडिओ ट्विट केला आहे, ज्यामध्ये ती खूप संतापलेली दिसत आहे. व्हिडिओमध्ये मिया खलिफा पॅलेस्टाईनमधील निर्वासितांच्या छावण्यांमध्ये राहणाऱ्या लोकांची स्थिती अत्यंत दयनीय असल्याचे सांगत आहे. त्यांच्यात राहणार्‍या लोकसंख्येपैकी 42 टक्के मुले ही 15 वर्षे किंवा त्यापेक्षा कमी वयाची आहेत, असे तिने सांगितले.

हेही वाचा >> ‘अल्ला हू अकबर’च्या घोषणा, तरूणीच्या अंगावर बसून दहशतवाद्यांनी तोडले अब्रूचे लचके!

याशिवाय मिया खलिफाने तिच्या व्हिडिओमध्ये अनेक गोष्टींबद्दल सांगितले आहे आणि म्हटले आहे की पॅलेस्टाईनचा इतिहास लाखो वर्षांचा आहे, तरीही आपण त्यांचा नरसंहार पाहत आहोत आणि त्यावर कोणी काही बोलत नाही.

यूजर्संनी मिया खलिफाला केले उलट सवाल

मिया खलिफा पॅलेस्टाईनचा मुद्दा बनवून मायक्रो ब्लॉगिंग वेबसाइट X वर सतत लिहित आहे. नुकतेच तिने ट्विट केले होते की, जर तुम्ही पॅलेस्टाईनमधील परिस्थिती पाहत असाल आणि पॅलेस्टिनींच्या बाजूने नसाल तर तुम्ही चुकीच्या बाजूचे समर्थन करत आहात आणि इतिहास तुम्हाला हे वेळ आल्याने दाखवेल.

हेही वाचा >> धर्म अन् भूमी… इस्रायल-पॅलेस्टाईनमधील रक्तरंजित संघर्षाची कहाणी काय?

मियाचे हे ट्विट समोर आले. त्यानंतर टीकेचा भडीमार सुरू झाला आहे. जेव्हा हमासचे दहशतवादी निरपराध लोकांवर अत्याचार करत होते तेव्हा तुझ्यातील माणुसकीचे हे शब्द कुठे होते? असा सवाल यूजर्स तिला करत आहेत. त्याचवेळी मियाला असेही विचारले जात आहे की, या विषयावर तिचे मत खरेच महत्त्वाचे आहे का?

दुसरीकडे, इस्रायलचे पंतप्रधान बेंजामिन नेतान्याहू यांनी हमासच्या या भ्याड कृतीवर तिखट प्रतिक्रिया दिली असून आम्ही गाझा पट्टी जमीनदोस्त करू, असे म्हटले आहे.

गाझा पट्टी असो वा इस्रायल, दोन्ही देशांची स्थिती वाईट होत चालली आहे. ठिकठिकाणी मृतदेहांचे ढीग पडले असून कानठळ्या बसवणारा आक्रोश सुरू आहे. या युद्धावर ज्या प्रकारचे राजकारण सुरू आहे आणि ज्या प्रकारे सर्व देश इस्रायल आणि पॅलेस्टाईनच्या समर्थनार्थ पुढे येत आहेत.