Supriya Sule: टेक्सटाइल पार्कमध्ये आईला अडवलं, सुप्रिया सुळेंच्या जिव्हारी लागलं.. अजितदादांना भडाभडा सुनावलं!

सुळे पुढे म्हणाल्या, "तुम्ही मोठे आहात, तुमची सत्ता आहे.. तुमचं नाव त्या पदावर..अधिकार आहे तुमच्यासारख्या मोठ्या लोकांना आमच्यासारख्या छोट्या लोकांना असं वागवायची. सगळं त्यांनीच केलं अशी ते भाषणं करतात ना..म्हणजे MIDC त्यांनीच काढलं, विद्या प्रतिष्ठान त्यांनीच काढलं. साहेबांनी तर काहीच केलं नाही ना.. कारण त्या मलिदा गँगने एवढं गुरफटलंय ना त्यांनी..."

हे ही वाचा >> Ajit Pawar Baramati : लोकसभेला एकटा होतो, पण आता माझी आई, बहिणींची साथ... अजितदादा कडाडले

"मला तो प्रश्न विचारायचा आहे.. ते टेक्सस्टाइल पार्क पवार साहेबांनी मंत्री असताना बारामतीत आणलं. 6 हजार लोकं कामाला असायची तिथे. 50 टक्के तिथल्या फॅक्टरी आज बंद आहेत. या भागाची लोकप्रतिनिधी म्हणून मी तुम्हाला शब्द देते की, मी स्वत: त्या टेक्सटाइल पार्कमध्ये लक्ष घालीन आणि 100 टक्के क्षमतेने ते टेक्सटाइल पार्क तुम्हाला सुरू करून देईन.अजून एक गोष्ट सांगते माझ्या कानावर आलेली. पण ती तुम्हाला सांगावी लागेल. माझ्यावर त्या पत्रात टीका झाली. की, सोन्याचा चमचा घेऊन जन्मला आलेल्यांना 1500 रुपयांची काय किंमत? अरे हो.. सोन्याचा चमचा घेऊन आलीए जन्माला आलीए, असंही सुप्रिया सुळे म्हणाल्या.

हे ही वाचा >> Sharad Pawar: "देशाची चिंता वाटत होती, कारण नरेंद्र मोदी...", शरद पवार नेमकं काय म्हणाले?

मी या ज्या 6 सोन्याच्या बांगड्या घालतेय ना.. या बांगड्या शारदाबाई पवारांच्या आहेत. माझी आजी जोपर्यंत होती तोपर्यंत त्यांच्या हातात या बांगड्या होत्या. माझी आजी गेली तेव्हा त्या आईला दिल्या. आई घालत नाही सोन्याचं म्हणून त्या कपाटात ठेवायची. माझ्या लग्नात त्या मला दिल्या. तो दिवस आणि आजचा दिवस.. माझी ताकद कुठून येत तर शारदाबाईच्या या सहा बांगड्यांमधून येते.