Akshay Kumar ने असं काय केलं की, नेटकरी त्याला म्हणतायेत देशद्रोही?

Akshay Kumar Troll: बॉलिवूड अभिनेता अक्षय कुमारच्या (Bollywood Actor Akshay Kumar) एका व्हिडिओने खळबळ उडवून दिली आहे. यामध्ये अक्षय जगाच्या नकाशावर फिरताना दिसत आहे. लोकांनी ही क्लिप जवळून पाहिली. यानंतर अक्षय कुमारवर प्रश्न उपस्थित होऊ लागले. अक्षय कुमारने भारताच्या नकाशावर पाय ठेवला आहे, असे यूजर्सचे मत आहे. अक्षयला ट्रोल केले जात आहे. यूजर्सनी हा देशाचा अपमान असल्याचे म्हटले आहे. Users have said that this is an insult to the country

अक्षय कुमारने काय केलं?

अक्षय कुमारने सोशल मीडियावर एका एअरलाइनची जाहिरात करणारा व्हिडिओ शेअर केला आहे. कॅप्शनमध्ये लिहिले, उत्तर अमेरिकेतील एंटरटेनर्स 100 टक्के शुद्ध देसी मनोरंजन घेऊन येत आहेत. तुमचे सीट बेल्ट बांधा, आम्ही मार्चमध्ये येत आहोत. अक्षय कुमार येथे त्याच्या उत्तर अमेरिका दौऱ्याबद्दल बोलताना दिसत आहे. त्यांचा दौरा 3 मार्चपासून सुरू होणार असून 12 मार्चपर्यंत चालणार आहे. या व्हिडिओमध्ये अक्षय कुमारसोबत नोरा फतेही, मौनी रॉय, दिशा पटनी, सोनम बाजवा देखील दिसत आहेत. अक्षय कुमार प्रमाणे ती देखील ग्लोबवर फिरताना दिसत आहे. त्यामुळे अक्षय कुमार ट्रोल होत आहे.

अक्षय कुमार झाला ट्रोल

अक्षय कुमारचा हा व्हिडिओ सोशल मीडियावर व्हायरल होत आहे. युजरने लिहिले, आमच्या भारताबद्दल थोडा तरी आदर तरी दाखवं. दुसर्‍याने लिहिले, हे काय आहे, लाज धरा. कॅनेडियन कुमारने भारताला ही नाही सोडलं. अक्षयच्या फ्लॉप चित्रपटांची खिल्ली उडवत युजरने लिहिले, बॉक्स ऑफिसवर फ्लॉपशिवाय रेकॉर्ड बनवा. एक युजर लिहितो, कोणत्याही देशाच्या नकाशावर का पाऊल टाकायचे कॅनेडियन कुमार. अभिनेत्याला ट्रोल करणाऱ्या लोकांनी लिहिले, डिझास्टर किंग.

लोकांनी अक्षयचा फोटो शेअर केला आणि विचारले, हे कितपत योग्य आहे? सोशल मीडियावर अक्षय कुमारला देशद्रोही म्हणवे जात आहे. अक्षय कुमारचा हा व्हिडिओ पाहून अनेकांच्या भावना दुखावल्या आहेत. युजर्सनी अक्षय कुमारला माफी मागण्यास सांगितले आहे. आता अक्षय कुमार यावर काय प्रतिक्रिया देईल याची सर्वांना प्रतीक्षा आहे.